ចិត្ត​ប្រឹងស្រលាញ់នៅចាញ់​ចិត្ត​ស្អប់   មិនអាចត្រលប់វិល​ក្រោយ​វិញបាន

ឱក្តីស្នេហ៍ប្រែខក​ខាន  ស្គម​ប្រាណ​ព្រោះនៅ​អាល័យ។

អូនស្រែកហៅៗហៅរាល់​ថ្ងៃ   តែប្រុសថ្លៃៗដាច់មេត្តា

បងមិនអាណិត​ចិត្ត​សង្សា   បំភ្លេចក្តី​ស្នេហា ហា ហា ហា ហា

ធ្វើអោយចិន្តាស្រី​រីងរៃ​ព្រោះនៅ​ស្រលាញ់។

បំភ្លេចអូនចុះណាបង  រឿងយើងកន្លងផុត​ទៅ​ហើយណា​ព្រលឹងចិត្ត

បំភ្លេចអូនទៅចុះបើជាតិនេះហួសហើយ  ណាបងអើយ​អស់​ចំលើយ​ថាជួប​វិញ។

កុំចងពារអូន​ធ្វើអ្វីបើអាណិត  ទុកជាចិត្ត​នៅ​អាល័យ​ហើយ​ស្រលាញ់

កុំចងពារអូនដល់ណា​បើនៅ​ខ្នាញ់  អូន​សុខចិត្ត​ចាញ់​ៗ​ប្រុស​បងហើយ។

បំភ្លេចអូនចុះ​ព្រលឹង   ទោះបីបងនៅខឹង​ប៉ុណ្ណឹងក៏ល្មម​បងឆ្លើយ

បំភ្លេចទៅ​ចុះបើជាតិនេះហួស​ហើយ  ​ចាំជាតិក្រោយ​យើង​ជួបគ្នាវិញជាថ្មី។

បងថើបស្រីបានតែម្តង   ស៊យកន្លងប្រុសបងដោះដៃ

ដល់ថ្ងៃក្រោយប្រុស​ធ្លោយថើប​ថ្ពាល់​ថ្មី  បងហ៊ានផ្តាច់ថ្ពាល់និស្ស័យថ្ពាល់ស្រីសង្សា។

ថើបបានម្តងបងមាន​ល្បិចកល     ថ្ពាល់សំណល់ត្រូវ​សល់​ប្រុស​លែង​ត្រូវការ

ថ្ពាល់អភ័ព្វ​រៀបរាប់​រឿង​ខ្លោច​ផ្សារ    ពុំដឹង​តើមាន​ថ្ងៃណា​សង្សា​ថើបទៀត។

ស្តាយច្រមុះប្រុស​ថើប​ស្រី   ក្លិននិស្ស័យ​ស្រីថ្លៃចាំ​រាប់រយជាតិ

ច្រមុះ​អើយម្តេចឡើយអ្នកឃ្លាត    រឺមួយប្រែស្នៀតឆ្លៀតមានថ្មី។

ថ្ពាល់សំណល់​សល់​ពី​ច្រមុះ    ណ្ហើយចុះ​ព្រោះប្រុសគេ​អស់អាល័យ

ថើបបានម្តងប្រុសបងឈប់ស្ម័គ្រមេត្រី    តើថ្ពាល់ប្រឹងស្តាយ​ធ្វើអ្វី​ជាតិ​ថ្មីចាំជួប។