ប្រជាជននៅកូរ៉េ​ខាង​ជើងស្គាល់ច្បាស់ពី​ថ្នាំ​ញៀន ហើយថែម​ទាំង​ជក់វា​ជា​ប្រចាំ​ទៀត​ផង។ ការ​ប្រើប្រាស់និង​ចែក​ចាយ​​ថ្នាំ​ញៀន  ត្រូវបាន​គេ​កាត់​ទោសប្រហារ​ជីវិត។ យ៉ាង​ណាមិញ ប្រភេទ​ថ្នាំ Marijuana  មិន​ត្រូវ​បាន​គេ​ចាត់​បញ្ចូល​ក្នុង​ប្រភេទ​ជា​ថ្នាំ​ញៀន​ខុស​ច្បាប់​ឡើយ។ ជា​លទ្ធផល​ យុវជន​របស់​កូរ៉េ​ខាង​ជើង​មួយ​ចំនួន​ធំ​ប្រើប្រាស់ Marijuana  នេះ។ (Link)

“ខ្ញុំ​ធុញ​ទ្រាន់​នឹង​ជីវិត​កាល​ពីកុមារ​ភាព  ពី​ជីវិត​អាពាហ៍ពិពាហ៍  ពី​ជីវិត​ជា​យោធា និង​ពី​អ្វីៗ​ទាំង​អស់​របស់​ខ្លួន។ មាន​តែ​កន្លែង​មួយ​គត់​សំរាប់​ខ្ញុំ ដែល​ខ្ញុំ​អាច​ទៅ​បាន” នេះ​ជា​សំដី​របស់ លោក James Dresnok ​ជាជនចំណាកស្រុក សញ្ជាតិអាមេរិចកាំង​ ​ ដែល​នៅរស់រាន​មាន​ជីវិត​លើ​ទឹក​ដី​កូរ៉េ​ខាង​ជើង។ ក្នុង​ខែ​សីហា ឆ្នាំ១៩៦២ គាត់​បាន​ធ្វើ​ដំណើរ​ឆ្លង​កាត់​ចំការ​មីន ដើម្បីឆ្លង​ចូល​ក្នុង​ដី​កូរ៉េ​ខាង​ជើង​ ។

បន្តិច​ក្រោយ​មក បន្ទាប់​ពី​ការ​មក​ដល់​របស់លោក  លោកបាន​ជួបនឹង Larry Allen Abshier ដែល​ជា​ជនចំណាក​ទឹក​ដី​អាមេរិច​ដូចគ្នា។  ពួកគេ​មាន​គ្នាសរុប​បួន​នាក់​ គឺ  Abshier, Jerry Parrish, Charles Robert Jenkins និង Dresnok។ ពួក​គេ​រស់នៅជុំគ្នា និង​ជួយ​ធ្វើ​ការ​រដ្ឋាភិបាល​កូរ៉េ​ខាង​ជើង​ទៀត​ផង។ ពួក​គេ​លេច​មុខ​នៅ​លើ​ក្រប​ទស្សនា​វដ្តី  ​និង​ធ្លាប់​បាន​បញ្ចុះបញ្ចូល​យោធាអាមេរិចកាំង​ដែល​នៅ​តាម​ព្រំ​ដែន​អោយ​រត់​ចោល​ជួរ​ទៀត​ផង។ ទោះ​ជា​យ៉ាងណា​ ពី​ដំបូង​ឡើយ ពួក​គេ​ទាំង​៤​នាក់ មិន​បាន​គិត​ថា​នឹង​រស់​នៅ​លើ​ទឹក​ដី​នេះ​ជារៀង​រហូត​ទេ ពួក​គេ​បាន​ព្យាយាម​សុំ​សិទ្ធិ​ជ្រក​កោន ក្នុង​ស្ថានទូត​រុស្ស៊ី​ប្រចាំ​នៅ​ទីក្រុង​ព្យុងយ៉ាង តែ​ត្រូវ​បាន​បដិសេដ និងបញ្ជូន​មក​រដ្ឋាភិបាល​កូរ៉េ​វិញ។ ក្រោយមក លោក  Dresnok ក៏​សំរេច​ចិត្តរស់​នៅ​ទីនោះ ដូច​គេដូច​ឯងដទៃ​ទៀត ។គាត់​បាន​រៀប​ការ​២  ៣​ដង​ហើយ ។ (Link)