ការឆបោក​តាម​រូបភាព​ផ្ញើរ​របស់​មាន​តំលៃ​មកអោយអ្នក​តាមប្រព័ន្ធប្រៃសណីយ៍​

online friend fraudការ​ប្រើប្រាស់​បណ្តាញសង្គម​លើ​ប្រព័ន្ធអ៊ីនធឺនែត​ កំពុង​តែ​រីកដុះដាល​ខ្លាំង​នៅ​ក្នុង​ប្រទេស​កម្ពុជា ដូចជា​​ Facebook Tweeter Google+ ជាដើម។​ ភាគច្រើន​គេប្រើវា​ជាជំនួយ​ក្នុង​ការ​ចែក​រំលែក​ព័ត៌មានបាន​យ៉ាង​ទាន់ហេតុការណ៍ បង្ហាញ​​ពី​​មនោសញ្ចេតនាសប្បាយ​រីករាយ សោកសៅ អស់សង្ឃឹម... បង្អួត​រូប​ថត​ខ្លួន​ជា​ដើម។ វា​ជាជំនួយ​ក្នុង​ការ​​ប្រាស្រ័យទាក់ទង​ជាមួយ​មិត្ត​ភក្តិ ក្រុមគ្រួសារ សហសិវិក និង​រហូតដល់មុខជំនួញទៀត​ផង។

ប៉ុន្តែក៏មាន​ជន​ទុច្ចរិត​បាន​ឆក់ឱកាស​ប្រើប្រាស់​បណ្តាញសង្គម​​ដើម្បី​បា​នស្គាល់​ពី​ ស្ថានភាព​គ្រួសារ អត្តសញ្ញាណផ្ទាល់​របស់​អ្នក​ដើម្បី​ឆបោក ឬចាប់​ជំរិតអ្នក​។

កម្ពុជា​អាច​ជា​ទិសដៅ​ថ្មី​របស់​ជន​ទុច្ចរិត​ទាំង​នោះ ដោយ​គេ​មើល​ឃើញ​ថា​ជាប្រទេស​ដែល​ទើប​តែ​មាន​ការ​រីក​សាយ​ភាយ​នៃ​ការ​ប្រើប្រាស់​បណ្តាញសង្គម​លើ​ប្រព័ន្ធអ៊ីនធឺនែតនេះ។​

ជាក់ស្តែង​មាន​ការ​ឆ​បោក​មួយ​ដែល​មិន​បាន​សំរេច​ បាន​កើត​មាន​ឡើង​ចំពោះ​សហសេវិករបស់​ខ្ញុំុក្នុង​រូបភាព​ផ្ញើរ​របស់​មាន​តំលៃ​មកអោយជន​រង​គ្រោះ​​តាមប្រព័ន្ធប្រៃសណីយ៍​។

ខ្ញុំ​សូម​តំណាង៖

  • ជនរងគ្រោះ ដោយ Miss A
  • អ្នក​ឆបោក ដោយ   Mr. C
  • អ្នកសហការជាមួួយអ្នក​ឆបោក ដោយ Miss C

រឿងរ៉ាវ​លំអិត​មាន​ដូច​រៀបរាប់​ខាង​ក្រោម៖

Mr. C បានព្យាយាមទាក់ទង​មក Miss A តាមរយៈ Facebook ។ Mr. C​ បាន​បង្ហាញ​រូបភាព​ក្នុង​នាម​ជា​បុរស​ជនជាតិ​អូស្ត្រាលី។ ពួក​គេលេង Facebook ​ជាមួយគ្នា ឆ្លើយ​ឆ្លងសារ​ជាមួយ​គ្នាទៅវិញទៅមក​ ​​រហូត​ដល់​អាច​ចាត់​ទុក​ថា​ជាមិត្តភក្តិជិតស្និទ្ធិ​និងគ្នា​បាន​។ គេបានស្គាល់​អស័យដ្ឋាន​ លេខ​ទូរស័ព្ទ និង​អត្តសញ្ញាណផ្សេងៗរបស់​គ្នាទៅ​វិញ​ទៅមក។ ​រយៈពេល​ប្រហែល​ជា​៦​ខែ​កន្លង​ទៅ​ដែលពួក​គេលេង Facebook ​ជាមួយគ្នា។

២៨ កញ្ញា ២០១៥

Mr. C បានសរសេរសារ​សំខាន់​មួយ​មក​ Miss A តាមរយៈ Facebook ដោយ​រៀបរាប់​ថា​ខ្លួន​បាន​ផ្ញើរ​វត្ថុ​អនុស្សាវរីយ៍​មក​ជូន​នាង ដែល​រូម​មានកុំព្យូទ័រ​យួរ​ដៃ​មួយគ្រឿង ទូរស័ព្ទ iPhone មួយគ្រឿង និងនាឡិកា​មួួយ​ដែល​សរុប​ជា​ទឹក​ប្រាប់​ប្រមាណជាង​២០០០ដុល្លារអាមេរិច។ គេ​ផ្ញើរមក​នាង​តាមរយៈក្រុមហ៊ុន Swift ដែល​ជាក្រុមហ៊ុនផ្ញើរសំបុត្រ​ធំ ស្រដៀង DHL និង​ EMS ដែរ។

៥​ តុលា ២០១៥​

នៅ​ព្រឹក​ថ្ងៃ​នោះ Miss A បាន​ទទួលទូរស័ព្ទពី Miss C ដោយ​នាង​ប្រាប់​ថា ជា​ភ្នាក់ងារ​នៅ​អាកាសយានដ្ឋាន​អន្តរជាតិ​សៀមរាប។​ នាង​បាន​ប្រាប់​ទៅ​​ Miss A ថា​មាន​ឥវ៉ាន់​របស់​ Miss A មួយ​កញ្ចប់​ធំ​ដែល​គេ​ស្កេន​ទៅ​ឃើញ​មាន កុំព្យូទ័រ​យួរ​ដៃ​មួយគ្រឿង ទូរស័ព្ទ iPhone មួយគ្រឿង និងនាឡិកា​មួួយ (ដូច​អ្វីដែល Mr. C​ ប្រាប់ Miss A ដែរ) ។ Miss C បាន​ប្រាប់​ទៀត​ថា តំលៃ​ត្រូវ​បង់ទៅ​គយ​ដើម្បី​បញ្ចេញ​កញ្ចប់​នេះ (តំលៃ​ Clearance) ​បាន គឺ ៥៥០ដុល្លាអាមេរិច។ នាង​បាន​ប្រាប់​ទៀត​ថា Miss A មិន​បាច់​ធ្វើ​ដំណើរទៅ​យក​ឥវ៉ាន់​នៅសៀមរាប​ទេ គ្រាន់​តែ​ផ្ទេរ​ថ្លៃ Clearance ៥៥០ដុល្លាអាមេរិច អោយ​នាង​តាមសេវា Wing ទៅ នាង​នឹង​រៀប​ចំរក​ការយក​ឥវ៉ាន់​និង​ផ្ញើរ​មក​ដល់​ភ្នំពេញ​អោយ​ ​Miss A។

Miss A ស្តាប់​ការ​រៀប​រាប់​របស់​ Miss C រួច​ហើយ ក៏​ឆ្ងល់​ថា​ហេតុអ្វី​របស់​ផ្ញើរ ដែល​គេ​ដាក់អស័យដ្ឋាន​នៅ​ភ្នំ​ពេញ​បែរ​ជា​ទៅ​ដល់​នៅ​សៀមរាប​ទៅវិញ? ចំណែក​ Mr. C គិតតែ​ពី ជំរុញ​អោយនាង​ទាក់​ទង​ទៅ​ Miss C ដើម្បី​រត់ការណ៍​យក​របស់​បញ្ញើរដែល​ខ្លួន​ខំផ្ញើរ​អោយ។ Mr. C នោះ​បាន​ផ្ញើរ​ឯកសារ​ទាក់​ទង​នឹង​ការ​ផ្ញើរ​មួយ​សន្លឹក​ដែល​មាន​លេខ​កូដ​ទំនិញ​ផង​ដែរ​មកអោយ​ Miss A ។ តាម​រយៈលេខនោះ Miss A បាន​ទាក់ទង​ផ្នែក​ Cargo ​អាកាសយានដ្ឋាន​អន្តរជាតិ​សៀមរាប ប៉ុន្តែ​គេ​រក​មិន​ឃើញ​ទេ។ Mr. C ហាក់​ដូច​ជា​ចាប់​ផ្តើុំម​ដឹង​ខ្លួន​ថា​​ Miss A ហាក់​ដូច​ជា​មិន​ធ្លាក់​ក្នុង​អន្ទាក់​របស់​ខ្លួន​សោះ ក៏បាត់​ស្រមោល​ចេញ​ពី​ Facebook បាត់ ដោយ​យក​លេស​ថា​ត្រូវការ​សំរាក និងធ្វើជា​បង្ហាញ​ឥរិយាបថ​ខឹង​នឹង​ Miss A ដែល​សាំញ៉ាំ សួរនាំ​ច្រើន​​ពេក។

បន្ទាប់​មក ​Miss A ក៏ត្រលប់​មក​ទាក់​ទង​នឹង​ Miss C វិញ​ តែ Miss A ព្យាយាម​ទូរស័ព្ទយ៉ាងណា​ក៏​ Miss C មិន​លើក​ដែរ។

Miss A​ ក៏សន្និដ្ឋាន​ថា Mr. C  និង Miss C សហការ​គ្នា ឬក៏អាច​ជា​មនុស្ស​តែ​ម្នាក់ផង ដែល​ឆបោកនាងតាមរូបភាព​នេះ។

ការចុះផ្សាយ​នេះ​គឺ​បាន​ទទួល​ការ​អនុញ្ញាត្ត​ពី​សមី​ជន​រង​គ្រោះ ដោយ​នាង​មាន​បំណង​​ចែក​រំលែក​បទពិសោធន៍មួយនេះ​ដល់​ជនរួម​ជាតិ​ខ្មែរ​ដូច​គ្នា៕​

អូបាម៉ាត្រូវបានហាមមិនឲ្យឡើងយន្តហោះដោយសារក្លិនធុរេន

'អូបាម៉ា​ត្រូវ​បាន​ហាម​មិន​ឲ្យ​ឡើង​យន្តហោះ​ដោយ​សារក្លិន​​ធុរេន'- ព័ត័មាន​នេះ មិន​ពិត​ទេ !! ព័ត័មាន​កុហក​នេះ មាន​ប្រភព​មក​ពី​ប្លក nose4news.wordpress.com  ដែល​ជា​ប្លក​មួួយ​សរសេរ​តែ​រឿង​កុហក ដូច​មាន​បញ្ជាក់​នៅ​ក្នុង Banner របស់​ប្លក​នេះ ថា  'រឿង​ពិត​មាន​នៅ​កន្លែង​ផ្សេង (មិន​មែន​នៅ​ទី​នេះ​ទេ)'

obama_airforceone

រូប​កាត់​ត​សុទ្ធសាធ !!!!

ព័ត៌មាន​ជជុះ​តាម Facebook ៖ ភ្លៀង​អាចម៍​ផ្កាយ, លោក​វេជ្ជបណ្ឌិត Brian Berry ព្រមាន​ពី​ជំងឺ​មហា​រីក​ទាក់​ទង​នឹង កាត​កោស​ទូរស័ព្ទ

១. ភ្លៀង​អាចម៍​ផ្កាយ នៅ​ថ្ងៃ ២២ មេសា ២០១៣ During the night on April 22 2013, people on Earth will have a chance to see one of the rarest meteor shower. During the night you will be able to see thousands of these falling stars until April 23, 2013, these meteors will have best visibility during the night of April 22, 2013 . There is a predicted number of about 20 meteors an hour with possible surges of 100 per hour . Spread This Message, so people can enjoy.

ការ​ពិត ៖ ជា​រៀងរាល់​ឆ្នាំ តែង​កើត​មាន​បាតុភូទ​ភ្លៀង​អាចម៍​ផ្កាយ​បែប​នេះ ដែល​កើត​ឡើង​ចន្លោះ​ថ្ងៃ ១៦ ទៅ ២៦ មេសា ។ បាតុភូទ​នេះ មាន​ឈ្មោះ​ថា Lyrids  ។ គេ​សង្កេត​ឃើញ​បាតុភូទ Lyrids កើត​មាន​ជា​ទៀង​ទាត់​ អស់​រយៈ​ពេល​ ២៦០០ ឆ្នាំ មក​ហើយ ។ ភ្លៀង​អាចម៍​ផ្កាយ​នេះ កើត​មាន​ខ្លាំង​បំផុត​នៅ​ថ្ងៃ ២២ មេសា ។ នៅ​ស្រុក​ស្រែ ដែល​គ្មាន​ពន្លឺ​អគ្គិសនី និង យប់​ដែល​គ្មាន​លោក​ខែ គេ​នឹង​មើល​ឃើញ​អាចម៍​ផ្កាយ​ធ្លាក់​ចុះ​មក​ច្បាស់​ជាង​គេ ។ នៅ​ឆ្នាំ ១៨០៣ មាន​អាចម៍​ផ្កាយ​ធ្លាក់​ចុះ​រហូត​ដល់ ៧០០ ក្នុង​មួយ​ម៉ោង ។ លោក Bill Cooke មក​ពី​ NASA បាន​ឲ្យ​ដឹង​ថា ឆ្នាំ​នេះ នៅ​កន្លែង​ដែល​មាន​មេឃ​ងងិត គេ​អាច​មើល​ឃើញ​អាចម៍​ផ្កាយ​ធ្លាក់​ចុះ​ ប្រហែល​ជា​ ១០ ក្នុង​មួយ​ម៉ោង ។  ក្នុង​ថ្ងៃ ២២ មេសា នេះ គេ​អាច​ទស្សនា​ភ្លៀង​អាចម៍​ផ្កាយ​​​បាន​ល្អ​បំផុត​នៅ​ពេល​ជិត​ព្រឹក​នា​​ថ្ងៃ​ទី ២២ ។ ដោយ​សារ​លោក​ខែស្ទើរ​តែ​ពេញ​វង់ នា​វេលា​នោះ គេ​ប្រហែល​ជា​នឹង​មើល​អាចម៍ផ្កាយ​ធ្លាក់​ចុះ​មក​មិន​សូវ​ច្បាស់​នោះ​ទេ ។ Ref : 1. Lyrids 2013 Meteor Shower May Be Overshadowed By Nearly Full Moon, huffingtonpost.com 2. Lyrids, wikipedia 3. EarthSky’s meteor shower guide for 2013   ២. លោក​វេជ្ជបណ្ឌិត Brian Berry ព្រមាន​ពី​ជំងឺ​មហា​រីក​ទាក់​ទង​នឹង កាត​កោស​ទូរស័ព្ទ Dr. Brian Berry of the United States has found new cancer in human beings, caused by Silver Nitro Oxide. Whenever you buy recharge cards, don’t scratch with your nails, as it contains Silver Nitro Oxide coating and can cause skin cancer. Share this message with your loved ones. Important Health Tips: 1. Answer phone calls with the left ear. ... 7. When phone's battery is low to last bar, don't answer the phone, bcos the radiation is 1000 times stronger. ការ​ពិត ៖ - ព័ត៌មាន​នេះ គ្មាន​ប្រភព​ច្បាស់លាស់​គួរ​ឲ្យ​ជឿ​ជាក់​នោះ​ទេ ។ ធម្មតា​របក​គំហើញ​សំខាន់​ៗ នឹង​ត្រូវ​ចុះ​ផ្សាយ​ក្នុង​ទស្សនាវដ្ដី​វិទ្យាសាស្ត្រ​សំខាន់​ៗ​​ជា​មិន​ខាន មិន​មែន​ផ្សាយ​បែប​អារត់​អារាយ​នៅ​តាម​ Facebook នោះ​ទេ។ - Silver Nitro Oxide ជា​ឈ្មោះ​សមាសធាតុ​គីមី ដ៏​ចំឡែក  ប្រហែល​ជា​គ្មាន​ផង - ទឹក​ប្រាក់​ដែល​ប្រើ​លើ​កាត​កោស​បញ្ចូល​ទឹក​ប្រាក់​ទូរស័ព្ទ​នោះ ជា UV ink ដែល​ជា​ទឹក​ថ្នាំ​សម្ងួត​ដោយ​កាំ​រស្មី​អ៊ុលត្រា​វីយ៉ូលេត៍។ - ស្ដាប់​ទូរស័ព្ទ​ដោយ​ប្រើ​ត្រចៀក​ឆ្វេង ហាម​ប្រើ​ត្រចៀក​ស្ដាំ ៖ គ្មាន​ប្រភព​ច្បាស់លាស់ ឬ បោក។ - នៅ​ពេល​ទូរស័ព្ទ​ជិត​អស់​ថ្ម រលក​វិទ្យុ​បញ្ចេញ​ដោយ​ទូរស័ព្ទ ខ្លាំង​ជាង​ធម្មតា ១០០០ ដង ៖ មិន​ពិត​ទេ រលក​វិទ្យុ (radio wave) កើន​ខ្លាំង​នៅ​ពេល​ទូរស័ព្ទ​ជិត​អស់​សេវា មិន​មែន​ជិត​អស់​ថ្ម​នោះ​ទេ ។

ព័ត៌មាន​បោក ៖ NASA និយាយ​ថា​ផែនដី​នឹង​ងងិត​ទាំង​ស្រុង​ក្នុង​ថ្ងៃ២៣ ដល់ ២៥ ធ្នូ​២០១២

ព័ត៌មាន​គ្មាន​ប្រភព​ច្បាស់លាស់ ស្ទីល​បោក​ដដែលៗ កោត​តែ​មាន​អ្នក​ជឿ !! ដោយ​សូម្បី​តែ​សារព័ត៌មាន​ល្បី​ខ្លះ ក៏​ទំនង​ជា​ចាញ់​បោក​ដែរ​នោះ ខ្ញុំ​សូម​យក​មក​សរសេរ​និយាយ​បន្តិច។ ព័ត៌មាន​​បោក​ត​គ្នានោះ​ គេ​សរសេរ​ថា ៖ ប្រធានបទ៖ NASA បាន​ទាយ​ថា ផែនដី​នឹង​ងងិត​ស្លុងក្នុង​ថ្ងៃ ២៣ ដល់ ២៥ ធ្នូ ក្នុង​ពេល​ដែល​មាន​ការ​រត់​ត្រង់​គ្នា នៃ​ភព។ អ្នក​វិទ្យាសាស្ត្រ​អាមេរិច​មាន​ទាយ​ពី​ការ​ផ្លាស់ប្ដូរ​នៃ​ចក្រវាល គឺ​ភាព​ងងិត​ទាំង​ស្រុង​នៃ​ភព​ក្នុង​រយៈ​ពេល​៣​ថ្ងៃ ចាប់​ពី​ថ្ងៃ​២៣​ធ្នូ ២០១២។ នេះ​មិន​មែន​ជា​ចុង​បញ្ចប់​នៃ​ផែនដី​ទេ វា​ជា​ការ​រត់​ត្រង់​គ្នា​នៃ​ចក្រវាល ដែល​ព្រះ​អាទិត្យ និង​ ផែនដី នឹង​រត់​ត្រង់​គ្នា​​ជា​លើក​ទី​១ (គ្រប់​ចំណុច​ពីរ​ៗ វា​រត់​ត្រង់​គ្នា​តែ​អ៊ីចឹង)។ ផែនដី​នឹង​រំកិល​ចេញ​ពី​ តំរុយទិសទី​៣ មក​តំរុយទិសទី​០ រួច​រំកិល​ទៅតំរុយទិស​ទី​៤ (????)។ល។ និង ។ល។ ព័ត៌មាន​បោក​នេះ​ងាយ​ស្រួល​នឹង​ផ្ទៀង​ផ្ទាត់​ឲ្យ​ដឹង​ថា​បោក​ណាស់ គឺ​ចូល​មើល​លើ​វែបសាយ​របស់ NASA ទៅ !!។ NASA គេ​មិន​បាន​និយាយ​ស្អី​បែប​នេះ​ទេ ។

ព័ត៌មាន​កុហក៖ Samsung បង់​លុយ​ឲ្យ Apple ដោយ​កាក់ ៣០ ឡាន​កុងតឺន័រ

ព័ត៌មាន​​ដែល​ថា Samsung បង់​លុយ​ឲ្យ Apple ដោយ​កាក់ ៣០ ឡាន​កុងតឺន័រ សង​ការ​ខូចខាត​រឿង​រំលោភកម្មសិទ្ធិ​បញ្ញា នោះ ជា​ព័ត៌មាន​បោកប្រាស់ទេ កុំ​ទៅ​ជឿ។ តុលាការ​អាមេរិច​បាន​កាត់ក្ដី​ឲ្យ​ Samsung សង Apple នូវ​ទឹក​ប្រាក់ ១ ពាន់​លាន​ដុល្លារ​អាមេរិច (តែ​មិន​ទាន់ចេញ​ដីកា?)។ ព័ត៌មាន​បោកប្រាស់មួយ បាន​ចរាចរណ៍​ពាស​ពេញ Internet ថា Samsung បាន​បង់​ប្រាក់​នោះ​ទៅ Apple ដោយ​កាក់ 5 សេន (0,05 ដុល្លារ) ចំនួន ៣០ ឡាន​កុងតឺន័រ។ កាក់ ៥ សេន​របស់​អាមេរិច មួយ មាន​ទម្ងន់ ៥​ក្រាម។ ១ ពាន់​លាន​ដុល្លារ ត្រូវ​ជាកាក់​៥សេន ចំនួន ២០ ពាន់​លាន ត្រូវ​ជា 20.10^9\times 5.10^{-3}=100.10^{6} kg ត្រូវ​ជា 100 000 តោន ។ ឡាន​កាំម៉្ញុង នៅ​អាមេរិច​ អាច​ដឹក​បាន​ចំណុះ​អតិបរិមា ប្រហែល ៣០ តោន ដូច្នេះ លុយ ១ ពាន់​លាន​ដុល្លារ ត្រូវ​ជា ៣ ០០០ ឡាន ជាង !!! មិន​ច្បាស់​មួយ​ទៀត នោះ គឺ សាំស៊ុង ទៅ​រក​កាក់​ឯណាបាន ច្រើន​ដល់​យ៉ាង​នេះ​នោះ? ចំពោះ​ការ​ទទួល​លុយវិញ ទោះបី​ជា​សាំស៊ុង អាច​រក​បាន​លុយ​ច្រើន​បែប​នេះ​ក្ដី ក៏​នៅ​ពេល​ប្រគល់​លុយ​ទៅ​ឲ្យ Apple នោះ Apple មាន​សិទ្ធិ​ជំទាស់​មិន​ទទួល​យក​ការ​បង់លុយ​របៀប​នេះ​បាន​។ តាម​ពិត​ព័ត៌មាន​បោក​នេះ ត្រូវ​បាន​គេ​បង្កើត​ឡើង ហើយ​ផ្សាយ​ជា​ដំបូង​នៅ​លើ​វែបសាយ El Deforma របស់ មិចស៊ិចកូ ដែល​ជា​វែបសាយ​មួយ​ផ្សាយ​តែ​ព័ត៌មាន​កុហក ដើម្បី​ជា​ការ​លេង​សើចតែ​ប៉ុណ្ណោះ។

ប្រភព​ពិត​នៃ​រូបថត​អណ្ដើក​យក្ស​

រូបថត​នេះ ថត​ចេញ​ពី​វីដេអូ​ភាគ​របស់​ជប៉ុន រឿង Gamera the Brave (Gamera: Chiisaki yusha-tachi) ត្រង់​វគ្គ Gamera ត្រូវ​របួស​ ក្រោយ​ប្រកួត​ជា​មួយ​បិសាច​ឈ្មោះ​Zedus​។

[Read more...]

រឿង​បោក​ប្រាស់៖ ទូរស័ព្ទ​ប្រើ​ត្រចៀក​ឆ្វេង​មិន​គ្រោះ​ថ្នាក់​ដូច​ត្រចៀក​ស្ដាំ

សារ​បោក​ប្រាស់​ទៀត​ហើយ។ លើក​នេះ គេ​ថា
ពេល​ប្រើទូរស័ព្ទដៃ​ សូម​ឲ្យ​ដាក់​ទៅ​ខាង​ត្រចៀក​ខាង​ឆ្វេង ព្រោះ​បើ​ដាក់​ទៅ​ត្រចៀក​ខាង​ស្ដាំ​ នឹង​​ប៉ះពាល់​ដល់​ខួរ​ក្បាល។នេះ​ជាការ​ប្រកាស​ដោយ​ក្រុមអ្នក​ស្រាវជ្រាវ​ Apollo medical team  ។
វា​មិន​ដែល !! ។ សារ​បោក​ប្រាស់​នេះ ភ្ជាប់​មក​ជាមួយ​ នូវ​ក្រាហ្វិច​ដែល​បង្ហាញ​ពី​ផល​ប៉ះពាល់​របស់​រលក​ម៉ាញេទិច​របស់​ទូរស័ព្ទ​ដៃ​ទៅ​លើ​កោសិកា​ខួរ​ក្បាល ដែល​រូប​នេះ​ជា​រូប​ពិត​ផ្សាយ​ដោយ Graphicnews.com ដក​ស្រង់​ចេញ​ពី​ការ​សិក្សា​ដែល​មាន​ចុះផ្សាយ​ក្នុង ទស្សនាវដ្ដី​វិទ្យាសាស្ត្រ Differentiation ។ នៅ​លើ​ក្រាភិច​នេះ គេ​មិន​បញ្ជាក់​ថា​ ប៉ះពាល់​ខាង​ឆ្វេង​ខាង​ស្ដាំ​អី​ទេ គេ​មាន​តែ​ពិសោធ​លើ​កោសិកា​ផ្ទាល់​តែ​ម្ដង។ ហើយ​ក្រុម Apollo medical team ស្អី​នោះ គឺ​គ្មាន​នៅ​លើ​លោក​នេះ​ដែរ​។ សារ​បោក​ប្រាស់​ខ្លះ​ទៀត មាន​ភ្ជាប់​រូប​ផ្សេង​ពី​នេះ (រូប​នោះ​អាក្រក់​ពេក ខ្ញុំ​មិន​យក​មក​ចុះ)។  

រឿង​បោក ៖ ពស់​ក្បាល​បី នៅ​ឥណ្ឌា

រូប​ថត​បោក

រូប​ដើម

រឿង​បោក ៖ ស្ត្រី​ឥណ្ឌា​កើត​កូន​ម្ដង​បាន​ ១១ នាក់

សារ​ចែក​ចាយ​ត​គ្នា​តាម​អ៊ីន្ធនែត​មួយ​បាន​និយាយ​ថា មាន​ស្ត្រី​ឥណ្ឌា​ម្នាក់​បាន​កើត​កូន​បាន​ម្ដង ១១ នាក់​។  

  ការ​ពិត ៖ រូប​ថត​នេះ​ជា​រូប​ពិត  តែ​ទារក​ទាំង​១១ នាក់​នេះ មិន​មែន​កើត​ចេញ​ពី​ម្ដាយ​តែ​ម្នាក់​នោះ​ទេ ។ តាម​ពិត​រូប​ថត​នេះ គេ​បង្ហាញ​ទារក​ដែល​បាន​កើត​នៅ​ថ្ងៃ ១១ ខែ ១១ ឆ្នាំ ២០១១ តែ​មួយ​ជា​មួយ​គ្នា នៅ​រដ្ឋ សុរត(Surat) របស់​ឥណ្ឌា។ រូបថត​នេះ គេ​មើល​ឃើញ​នៅ​លើ​ទំព័រ​សាព័ត៌មាន​ Afternoon despatch & courier និង រូបថត​ផ្សេង​ទៀត នៅ​លើ ប្លុក Nadkarni ivf ។ សារព័ត៌មាន The Times of India បាន​ឲ្យ​ដឹង​ថា ស្ត្រី ១១ នាក់​ ដែល​ជា​ម្ដាយ បាន​សម្រេច​ចិត្ត​កើត​កូន​តាម​រយៈ​ការ​វះកាត់ ដើម្បី​ឲ្យ​កើត​កូន​ចំ​ថ្ងៃ​ពិសេស ១១.១១.១១ នេះ ។ ការ​វះ​កាត់​ធ្វើ​ឡើង​ដោយ​ដុកទ័រ Dr Purnima Nadkarni និង Dr Pooja Nadkarni និង​ក្រុម​គ្រូ​ពេទ្យ​ផ្សេង​ទៀត នៅ​មន្ទីរពេទ្យ 21st Century Hospital ។ [Read more...]

វែបសាយ​សរសេរ​តែ​រឿង​បោក ៖ weeklyworldnews

weeklyworldnews.com ជា​វែបសាយ​មួយ​ដែល​ចុះ​ផ្សាយ​ ឬ ប្រឌិត​រឿង ឬ ព័ត៌មាន​​បោកប្រាស់ ដើម្បី​អ្នក​អាន កម្សាន្ត​អារម្មណ៍។ ព័ត៌មាន​នៅ​លើ​វែបសាយ​នេះ​សឹង​តែ​ទាំង​អស់​ សុទ្ធ​តែ​ជា​ព័ត៌មាន​បោក​ប្រាស់។ រឿង​បោកប្រាស់​នានា ប្រឌិត​ដោយ​វែបសាយ​នេះ មាន​ដូច​ជា៖
  • Facebook នឹង​ត្រូវ​បិទ​ចោល ដោយ​សារ Zuckerberg ធុញ​ទ្រាន់​នឹង​គ្រប់​គ្រង​ Facebook ពេក,
  • នាង KIM KARDASHIAN ផ្ទុះ​កំប៉េះ​គូទ ជា​ដើម។ គេ​ថា ដោយ​សារ​គូទ​នាង KIM KARDASHIAN ជា​គូទ​កែ​ឆ្នៃ ប្រើ​ស៊ីលីកូន  នៅ​ពេល​ជិះ​យន្ត​ហោះ ទៅ​លើ​មេឃ​ក៏​ផ្ទុះ​ផាំង​តែ​ម្ដង។
មាន​អ្នក​អាន​ជា​ច្រើន​ បាន​ចាញ់​បោក​វែបសាយ​នេះ។ អ្នក​ខ្លះ​ទៀត មិន​ដឹង ទៅ​ខំ​ប្រឹង​បញ្ចេញ​មតិ នៅ​លើ​អត្ថបទ​នានា​របស់​វែបសាយ​នេះ ថា បោកប្រាស់ !! តាម​ពិត​ទៅ ជា​វែបសាយ​សម្រាប់​ផ្សាយ​រឿង​បោកប្រាស់​ស្រាប់​ទៅ​ហើយ។ អ្នក​និពន្ធ​សរសេរ​បែប​អាជីព ដោយ​លើក​យក​ហេតុផល បញ្ជាក់​ប្រភព​ព័ត៌មាន និង ឯកសារ​យោង ​ត្រឹមត្រូវ។ ទាស់​តែ​ទាំង​អស់​នោះ សុទ្ធ​តែ​ហេតុផល ប្រភព ឯកសារ បោក !! ការ​អាន​អត្ថបទ​របស់​វែបសាយ​នេះ ម្យ៉ាង​ដែរ គឺ​វា​ជួយ​ឲ្យ​យើង​ចេះ​ត្រិះរិះ​ពិចារណា មិន​មែន​ឲ្យ​តែ​គេ​ចុះ​ផ្សាយ​មក សុទ្ធ​តែ​ពិត​នោះ​ទេ។