ខ្សែភាពយន្តរន្ធត់រឿង The Theatre Bizarre បានបណ្ដាលឲ្យអ្នកទស្សនាស្លុតទន់ដៃទន់ជើងអស់៥នាក់ ក្នុងពេលបង្ហាញនៅក្នុងមហោស្រពភាពយន្តនានា។
ខ្សែភាពយន្តនេះត្រូវបានគេចាត់ទុកថា សាហាវហួសដែនកំណត់ សាហាវជាងរឿង Saw ឬ Hostel ទៅទៀត។ ក្នុងមហោស្រពភាពយន្តអន្តរជាតិ នៅ Oldenburg, បុរសម្នាក់ បានស្រឺតនៅក្នុងបន្ទប់ទឹក ច្រមុះហូរឈាម បន្ទាប់ពីបានទស្សនារឿង The Theatre Bizarre ។ បុរសម្នាក់ បានរត់ចេញមកក្អួតនៅក្រៅ ដោយសារតក់ស្លុតពេក។ ស្ត្រីម្នាក់ស្លុតទន់ដៃទន់ជើង (ស្រឺត) តែនាងនៅតែទស្សនាបន្ត ទោះបីអ្នករៀបចំឲ្យយោបល់នាង ឲ្យចេញពីសាលក៏ដោយ។ មនុស្សពីរនាក់ទៀត បានស្លុតនៅញូវយ៉ក និង ម្នាក់ទៀតនៅ Gerardmer ។
ខ្សែភាពយន្តរឿង The Theatre Bizarre ជាខ្សែភាពយន្តប្រជុំ ឈុតខ្លីៗ ៧ ឈុត។ ឈុតដែលសាហាវបំផុតគឺនៅត្រង់វគ្គ Vision Stains ។ ក្នុងឈុតនេះ ស្រីឃាតករម្នាក់ ញៀននឹងរូបភាពដែលឋិតនៅក្នុងភាពចងចាំរបស់អ្នកផ្សេង។ ស្រីឃាតករនេះត្រូវសម្លាប់ជនរងគ្រោះ បូមយកសារជាតិរក្សារូបភាពនោះពីក្នុងខ្លួនជនរងគ្រោះរួចយកមកចាក់បញ្ចូលក្នុងភ្នែករបស់ខ្លួនឯង។ នៅពេលចាក់នោះ គេបានថតរូបគ្រាប់ភ្នែកយ៉ាងច្បាស់ៗ ធ្វើឲ្យអ្នកទស្សនាតក់ស្លុតយ៉ាងខ្លាំង។
បើចង់ទស្សនាការផ្សាយពីខ្សែភាពយន្តនេះសូមទស្សនាតាម youtube ។ អ្នកមានផ្ទៃពោះ ងាយតក់ស្លុត កូនក្មេង ហាមមើល។
Recent Comments Gravatars