អ្នកទោសឧក្រិដ្ឋ ៤ នាក់ ត្រូវបានគេកាត់ទោសឱ្យជាប់គុក តែដោយសារគុកពេញ ឆ្មាំគុកសម្រេចចិត្តឱ្យអ្នកទោសទាំង ៤ នាក់ដោះស្រាយប្រស្នាមួយ។ បើដោះស្រាយចេញ នឹងដោះលែងឱ្យមានសេរីភាពវិញទាំង ៤ នាក់ តែបើដោះស្រាយមិនចេញ នឹងយកទៅសម្លាប់ចោល។
ឆ្មាំគុកឱ្យអ្នកទោសទាំង៤នាក់ពាក់មួក អ្នកទោសពីរនាក់ពាក់មួកខៀវ អ្នកទោសពីរនាក់ទៀតពាក់មួកក្រហម។ អ្នកទោសទាំង ៤ នាក់មិនដឹងថាខ្លួនពាក់មួកពណ៌ណាមួយនោះទេ តែដឹងថាក្នុងចំណោមពួកគេ មានពីរនាក់ពាក់មួកពណ៌ខៀវ និងពីរនាក់ទៀតពាក់មួកពណ៌ក្រហម។ ឆ្មាំគុកឱ្យអ្នកទោស ៣ នាក់ឈររៀបគ្នាជា ១ ជួរពីក្រោយគ្នា។អ្នកទោសទី៤ គេយកទៅលាក់ក្នុងបន្ទប់មួយ។ អ្នកទោសទី១ ឈរបែរមុខទៅជញ្ជាំង មើលមិនឃើញមួកអ្នកទោសទី២ និង ទី៣ នោះទេ។ អ្នកទោសទីពីរ ឈរពីក្រោយអ្នកទោសទី១ អាចមើលឃើញមួករបស់អ្នកទោសទី១ តែមើលមិនឃើញមួករបស់អ្នកទោសទី៣ នោះទេ។ អ្នកទោសទី៣ ឈរពីក្រោយអ្នកទោសទី១ និង ទី២ ដូច្នេះអាចមើលឃើញមួករបស់អ្នកទោសទី១ និងទី២ បាន។
ប្រស្នានោះគឺ បើអ្នកទោសណាម្នាក់អាចប្រកាសក្ដែងៗ (ឮទាំងអស់គ្នា) ប្រាប់ពណ៌មួករបស់ខ្លួនបានត្រឹមត្រូវ នោះអ្នកទោសទាំង ៤ នាក់នឹងត្រូវដោះលែង។ សន្មតថា អ្នកទោសទាំង៤នាក់នេះ ចេះតក្កវិទ្យា។ តើពួកគេអាចដោះស្រាយប្រស្នានេះចេញតាមរបៀបណា?
ចម្លើយ
យើងដឹងថា អ្នកទោសទី៣ អាចមើលឃើញពណ៌មួករបស់អ្នកទោសទី១ និងទី២។ ដូច្នេះ បើអ្នកទោសទី១ និង ទី២ មានមួកពណ៌ដូចគ្នា នោះអ្នកទោសទី៣ ត្រូវតែមានមួកមានពណ៌ផ្ទុយពីនេះ ព្រោះមានមួកតែ២ ប៉ុណ្ណោះដែលមានពណ៌ដូចគ្នា។
តែបើអ្នកទោសទី១ និងទី២ មានមួកពណ៌ខុសគ្នា ដូចជាអ្នកទោសទី១ មានមួកពណ៌ខៀវ រីឯអ្នកទោសទី២ មានមួកពណ៌ក្រហម នោះអ្នកទោសទី៣ មិនដឹងថាមួកខ្លួនពណ៌ក្រហមឬខៀវនោះទេ។
ក្នុងករណីបែបនេះ អ្នកទោសទី៣ និយាយមិនចេញ។ នៅពេលដែលអ្នកទោសទី២ ដឹងថា អ្នកទោសទី៣ និយាយមិនចេញ នៅពេលនោះ អ្នកទោសទី២ ដឹងថា មួករបស់ខ្លួនត្រូវតែមានពណ៌ខុសពីមួករបស់អ្នកទោសទី១។ ដូច្នេះ អ្នកទោសទី២ អាចប្រកាសពីពណ៌មួករបស់ខ្លួនបាន ដោយត្រឹមត្រូវ។
Vansinet on 
បរិមាណទឹកធៀបនឹងទំហំផែនដី បកស្រាយតាមគណិតវិទ្យា | Dahlina.com on 
Borasy007 on 
Ouk Phirun on 
Sophea on 
Limserey on 
Ouk Mao on