ទេសចរអាមេរិចកាំងម្នាក់បានទៅដល់កំពង់ផែមួយរបស់ប្រទេសមិចស៊ិច។ គាត់បានរអ៊ូដាក់អ្នកនេសាទមិចស៊ិចក្រីក្រម្នាក់ថា
« ត្រីរបស់អ្នកឯងអីក៏តិចម្ល៉េះ ហើយអ្នកឯងប្រើពេលប៉ុន្មានបាននេសាទបានត្រីប៉ុណ្ណឹង? »
« មិនយូរប៉ុន្មានទេ« បុរសមិចស៊ិចនោះតប។
« ប៉ុន្តែម៉េចបានអ្នកឯងមិននេសាទអោយយូរ ហើយចាប់ត្រីអោយបានច្រើនទៅ? » បុរសអាមេរិចកាំងសួរបន្ត។
បុរសមិចស៊ិចនោះក៏តបថា ត្រីប៉ុណ្ណឹងគ្រប់គ្រាន់នឹងតំរូវការរបស់គាត់និងក្រុមគ្រួសាររបស់គាត់ហើយ។
បុរសអាមេរិចកាំងសួរបន្ត « នៅសល់ពេល អ្នកឯងធ្វើអ្វី? »
“ខ្ញុំដេកទ្រមក់ លេងជាមួយកូន ដេកលេងជាមួយប្រពន្ធ។ ល្ងាចឡើង ខ្ញុំទៅដើរលេងក្នុងភូមិជួបជុំមិត្តភក្តិ ផឹកស៊ី រាំច្រៀង »
បុរសអាមេរិចកាំងក៏និយាយកាត់ថា “ស្ដាប់ខ្ញុំ! ខ្ញុំមានសញ្ញាបត្រ MBA ពី Havard។ ខ្ញុំអាចជួយអ្នកឯងបាន!។ ដំបូងអ្នកឯងត្រូវនេសាទអោយបានយូរជាងនេះ ដើម្បីចាប់ត្រីអោយបានច្រើន។ ដូច្នេះអ្នកឯងលក់បានលុយច្រើនជាងមុន ហើយសន្សំទុក រាល់ថ្ងៃ។ ពេលបានលុយច្រើន អ្នកឯងអាចទិញទូកនេសាទធំជាងមុន”
« បន្ទាប់មក យ៉ាងម៉េចទៀត?”
“ពេលមានទូកធំអ្នកឯងនេសាទត្រីបានកាន់តែច្រើន សន្សំលុយទៀតទុកទិញទូកថែមទៀតអោយបានច្រើន។ ពេលហ្នុងអ្នកឯងមិនបាច់លក់ត្រីអោយឈ្មួញកណ្ដាលទៀតទេ។ អ្នកឯងអាចទៅចរចាជាមួយថៅកែរោងចក្រដោយផ្ទាល់ រឺមិនអញ្ចឹងទេបើករោងចក្រមួយខ្លួនឯង។ ពេលហ្នុងអ្នកឯងអាចផ្លាស់ទៅនៅក្រុងធំៗ ដូចជា មិស៊ិចកូ ឡូសអ៊ែនជែលែស រឺស្រូលមិនស្រួល បានទៅនៅញូវយ៉កទៀតផង! នៅទីនោះអ្នកឯងអាចបើកក្រុមហ៊ុនថ្មីដ៏ធំ! »
« មើលទៅទំរាំបានសំរេច ត្រូវការពេលប៉ុន្មានឆ្នាំ?” បុរសមិចស៊ិចសួរ។
« ម្ភៃឆ្នាំ តែប្រហែលជាម្ភៃប្រាំឆ្នាំ “ បុរសអាមេរិចតប។
« បន្ទាប់មក ម៉េចទៀត?”
« បន្ទាប់មក? បន្ទាប់មកជាពេលវេលាដ៏អស្ចារ្យសំរាប់ជីវិតឯងហើយពួកម៉ាក” បុរសអាមេរិចតប។ « នៅពេលមុខជំនួញអ្នកឯងធំដុំហើយ អ្នកឯងអាចចាប់ផ្ដើមទិញលក់ភាគហ៊ុន ពេលនោះអ្នកឯងនឹងបានលុយរាប់លាន!!! »
“រាប់លាន? មែនរឺ? ហើយបន្ទាប់មក ម៉េចទៀត? » បុរសមិចស៊ិចសួរ ដោយធ្វើមុខឡើងភ្លើ។
បុរសអាមេរិចក៏តបថា « បន្ទាប់មក អ្នកឯងមិនបាច់រកស៊ីអីទៀតទេ។ អ្នកឯងអាចចូលនិវត្តន៍ ហើយទៅរកទិញផ្ទះក្នុងក្នុងភូមិណាតូចមួយ នៅក្បែរមាត់សមុទ្រ ដេកទ្រមក់ លេងជាមួយកូន ដេកលេងជាមួយប្រពន្ធ។ ពេលល្ងាចឡើងគិតតែពីដើរផឹកស៊ីជាមួយមិត្តភក្តិ រាំច្រៀងមិនបាច់ខ្វល់ពីអ្វីទាំងអស់ »
Techno Charity is a charitable organization created in 2006 by engineers graduated from the Institute of Technology of Cambodia.
Recent Comments