រឿង Alice in wonderland ជាខ្សែភាពយន្តគំនូរជីវចលរបស់ Walt Disney តាំងពីឆ្នាំ១៩៥១មកម៉្លេះ ទើបតែនៅដើមឆ្នាំ២០១០នេះដែលក្រុមហ៊ុននេះបានចេញបញ្ចាំងរឿងនេះជាថ្មីឡើងវិញដែលមានតួ Johnny Depp សំដែងជា Mad Hatter និងនាងMia Wasikowska សំដែងជាតួ Alice។
Alice in wonderland 1951
Alice in wonderland 2010
អាលីសគឺជាក្មេងស្រីអាយុ១៩ឆ្នាំម្នាក់ដែលមានចរិកមិនប្រកាន់ខ្លួន ហើយនាងត្រូវភ្ជាប់ពាក្យជាមួយបុរសល្ងីល្ងើម្នាក់ដែលជាកូនប្រុសរបស់អភិជន តែនាងមិនបានដឹងខ្លួនឡើយ។ នៅក្នុងពិធីជប់លៀងភ្ជាប់ពាក្យ នាងបានរត់គេចពីភ្ញៀវទាំងអស់ដើម្បីទៅពិចារណាថាតើនាងគួរយល់ព្រមរៀបការឬយ៉ាងណា ហើយនាងក៏បានធ្លាក់ចូលក្នុងរូងមួយនៅក្នុងសួនច្បារនៅពេលដែលនាងព្យាយាមរត់តាមទន្សាយមួយ។ នាងបានមកដល់កន្លែងចំលែកមួយដែលមានលក្ខណៈហាក់ដូចជាខុសពីពិភពមនុស្ស ដែលគេហៅទីនោះថា “Underland”។ នាងបានចងចាំកន្លែងនោះជាកន្លែងដែលនាងធ្លាប់យល់សុបិនឃើញកាលពីនាងនៅកុមារ ជាកន្លែងដែលមានសត្វចេះនិយាយភាសាមនុស្ស មានម្ចាស់ក្សត្រិយ៍កំហូចមួយអង្គនិងដាវ និងមានអ្នកធ្វើមួកចំលែកម្នាក់។ អាលីសដឹងថានាងទៅដល់កន្លែងនោះគឺដើម្បីប្រយុទ្ធនឹងសត្វគួរអោយខ្លាច Jabberwocky ដើម្បីដណ្តើមរាជបល្ល័ងអោយម្ចាស់ក្សត្រិយ៍សវិញ។
Recent Comments Gravatars