ខាងក្រោមនេះជាសេចក្ដីរាយការណ៍របស់សារព័ត៌មានលោកខាងលិច ដកស្រង់ពីសេចក្ដីរាយការណ៍របស់សារព័ត៌មានកូរ៉េកុំម្មុយនីស្ត ឬកូរ៉េខាងជើង៖ តើពន្លើសឬអត់?
១) គីមជុងអ៊ីល៖ កំណើតមហាអច្ឆរិយៈ
សៀវភៅប្រវត្តិសាស្ត្រកូរ៉េខាងជើងបានសរសេរថា គីមជុងអ៊ីលកើតក្នុងបន្ទប់សំងាត់មួយនៅភ្នំដ៏ពិសិដ្ឋបំផុតរបស់កូរ៉េ Mt. Paekdu។ នៅពេលគីមជុងអ៊ីលកើត ផ្កាយបានរះបំភ្លឺពាសពេញមេឃ រដូវបានដូរផ្លាស់ពីរដូវរងារមកនិទាឃរដូវភ្លាមៗ ហើយឥន្ទធនូបានលេចឡើង។ អ្នកប្រវត្តិវិទ្យាលោកខាងលិចវិញ និយាយថា គីមជុងអ៊ីល កើតនៅក្នុងបន្ទាយមួយរបស់ពួកបះបោរនៅរុស្ស៊ី ដែលឋិតនៅក្រោមការគ្រប់គ្រងរបស់ឪពុកគាត់ ដែលភៀសខ្លួនពីពួកជប៉ុន។
២) មនុស្សទូទាំងពិភពលោកស្រលាញ់គីមជុងអ៊ីល
សារព័ត៌មានរបស់កូរ៉េខាងជើងបានផ្សាយថា គីមជុងអ៊ីលជាកំពូលមេដឹកនាំដ៏ល្បីល្បាញបំផុតលើពិភពលោកនាពេលបច្ចុប្បន្ន ហើយប្រជាជនក្នុងប្រទេសណាក៏ដោយ សុទ្ធតែស្រលាញ់គីមជុងអ៊ីល ដោយពួកគេនាំគ្នាធ្វើពិធីបុណ្យខួបកំណើតឱ្យគីមជុងអ៊ីលជារៀងរាល់ឆ្នាំ។ ការពិតនោះអ្នកគ្រប់គ្នាដឹងខ្លួនឯងហើយ។
៣) គីមជុងអ៊ីល ជាអ្នកបង្កើតហ៊ែមប៊័រហ្គ័រ
កាសែត Minju Joson របស់កូរ៉េខាងជើងបានរាយការណ៍ថា គីមជុងអ៊ីលច្នៃប្រឌិតបង្កើត Hamburger ថ្មីក្នុងគោលបំណងផ្ដល់អាហារដែលមានគុណភាពដល់និស្សិតសកលវិទ្យាល័យរបស់ខ្លួន។ ក្នុងគម្រោងនេះ គាត់បានសាងសង់រោងចក្រដែលអាចផលិតហ៊ែមប៊័រហ្គ័របានក្នុងបរិមាណយ៉ាងច្រើនសម្រាប់និស្សិតនិងសាស្ត្រាចារ្យ។ តែបើតាមកាសែតពួកលោកខាងលិចវិញប្រជាជនកូរ៉េជួបប្រទះគ្រោះអត់ឃ្លានជារៀងរាល់ថ្ងៃ។
៤) គីមជុងអ៊ីល៖ កំពូលកីឡាករវាយកូនគោលគ្មានពីរលើលោក
សារព័ត៌មានរបស់ប្រទេសកូរ៉េខាងជើងបានឱ្យដឹងថា លោកគីមជុងអ៊ីល ជាកំពូលកីឡាករវាយកូនគោលគ្មានពីរលើលោក។ នៅពេលដែលគាត់ចូលវាយកូនគោលលើកទីមួយ គាត់វាយចូលគ្រប់ឡូចំនួន៣៨ដងមុនការកំណត់ (បានពិន្ទុ 38 អាន់ឌ័រផារ) ហើយវគ្គខ្លះគាត់វាយតែម្ដងចូលឡូបានចំនួន៥ដង !!! ហើយ ជាមធ្យម ក្នុងមួយវគ្គៗ គាត់វាយតែម្ដងចូលឡូបាន៣ទៅ៤ដង។
បើយោងតាមលោកបណ្ឌិត Francis Scheid, សាស្ត្រាចារ្យចូលនិវត្តន៍ មកពីសកលវិទ្យាល័យបូស្តុន មនុស្សម្នាក់ស៊ុតចូលឡូដោយវាយកូនគោលតែម្ដង បាន២ដងក្នុងមួយវគ្គ មានប្រូបាប៊ីលីតេស្មើនឹង 1/67000000 ។
រឿងពិត៖ គីមជុងអ៊ីល មិនហ៊ានជិះយន្តហោះទេ។ រាល់លើកដែលគាត់ទៅប្រទេសចិននិងរុស្ស៊ី គាត់តែងជិះរថភ្លើងជានិច្ច។
សម្គាល់៖ ពិន្ទុក្នុងកីឡាវាយកូនគោល
ការវាយកូនគោលម្ដងៗមានច្រើនវគ្គ ជាទូទៅមាន៤វគ្គឬជុំ។ ក្នុងមួយវគ្គៗ កីឡាករត្រូវវាយកូនគោលឱ្យចូលឡូជាច្រើន។ ឡូខ្លះកីឡាករត្រូវ៣ដងជាប់គ្នាដើម្បីឱ្យចូលឡូ ឡូខ្លះវាយ៤ដង ។ល។
ផារ៖ ចំនួនដងអតិបរមាដែលកីឡាករត្រូវវាយដើម្បីឱ្យចូលឡូមួយ ឬចប់មួយវគ្គ។
ឧទាហរណ៍ ឡូ ៣ផារ ជាឡូ ដែលកីឡាករត្រូវវាយបណ្ដើរកូនគោលយ៉ាងច្រើន៣ដងបន្តបន្ទាប់គ្នា ឱ្យចូលឡូ។
តារាងកូនគោលស្តង់ដា មានឡូចំនួន១៨។ ការប្រកួតអន្តរជាតិមួយដៃឬជុំ មាន៧២ផារ ហើយជាទូទៅមាន ៤ជុំ។ ដូច្នេះមួយប្រកួតមាន 72×4=288 ផារ។ បើកីឡាករវាយចូលឡូអស់ ដោយវាយតែ280 ដង នោះកីឡាករនោះបានពិន្ទុ 280 ឬ 280-288=-8 គឺ 8 ក្រោមផារ ឬ 8 អាន់ឌ័រផារ (ល្អ)។ តែបើកីឡាករវាយ 290 ដងបានចូលឡូអស់ នោះកីឡាកររូបនោះទទួលបានពិន្ទុ 290-288=+2 លើផារឬ 2 អូវ័រផារ (មិនល្អ)។
Ref:
http://www.worldtribune.com/worldtribune/WTARC/2004/ea_nkorea_06_16.html
http://golf.about.com/od/faqs/f/holeinoneodds.htm
http://listverse.com/2010/05/30/top-10-crazy-facts-about-kim-jong-il/
Recent Comments Gravatars