Celine Dion មានផ្ទៃពោះម្ដងទៀត លើកនេះកូនភ្លោះ

LOS ANGELES – Celine Dion ដែលអន្ទះអន្ទែងចង់បានកូនមួយទៀត ពេលនេះមិនត្រឹមតែបានមួយទេ គឺបានកូនភ្លោះតែម្ដង។

អ្នកនាំពាក្យឱ្យតារាចម្រៀងរូបនេះ Kim Jakwerth បានប្រាប់ Associated Press តាមអ៊ីមែលកាលពីថ្ងៃអាទិត្យថា សេលីនឌិយ៉ុង ដែលពេលនេះមានអាយុ៤២ឆ្នាំ កំពុងតែពពោះកូនភ្លោះ១៤សប្ដាហ៍នៅក្នុងផ្ទៃ ហើយភេទរបស់ទារកនឹងដឹងនៅខែក្រោយ។

ឌិយ៉ុង និងប្ដីនិងជាអ្នកចាត់ការរបស់នាងគឺលោក Rene Angelil បច្ចុប្បន្នមានកូនប្រុសម្នាក់អាយុ៩ឆ្នាំ ឈ្មោះ Rene Charles។

ដើម្បីឱ្យមានផ្ទៃពោះម្ដងទៀតនេះ សេលីនឌិយ៉ុង ប្រើបច្ចេកទេសបង្កាត់ស្ពែមនិងអូវុលក្រៅស្បូនជាច្រើនលើក (in-vitro fertilization*)។

———–
* in-vitro fertilization ជាបច្ចេកទេសមួយដែលគេប្រើសម្រាប់អ្នកដែលមានការលំបាកក្នុងការមានកូន ឬមិនអាចបង្កកំណើតបាន។ គេបានយកទឹកស្ពែមរបស់បុរស ទៅលាយជាមួយអូវុលរបស់ស្ត្រី នៅក្នុង(in)កែវពិសោធន៍(vitro) ដើម្បីឱ្យវាបង្កាត់គ្នា មុននឹងយកទៅចាក់ចូលទៅក្នុងស្បូនរបស់ស្ត្រីដើម្បីឱ្យវារីកលូតលាស់បន្ត។

————————-

Source:

Celine Dion pregnant again at last — with twins, AP