Whitney Houston, អ្នក​ចំរៀង​ដែល​ខ្ញុំ​ចូលចិត្តបានទទួល​មរណភាព​ដោយមិន​ដឹង​មូល​ហេតុពិតប្រាកដ


តារា​ចំរៀង​ប៉ុប​ដ៏​ល្បីល្បាញ ដែល​ជា​ម្ចាស់​បទចំរៀង “I will always love you”, “I have nothing”, “Saving all my love for you” បាន​ទទួលមរណភាព​យ៉ាង​អាថ៌កំបាំង​នៅក្នុង​បន្ទប់​ជាន់​ទី​៤​របស់នាងនៃសណ្ឋាគារ Beverly Hills កាល​ពី​រសៀល​ថ្ងៃ​សៅរ៍​នេះ (១១កម្ភៈ២០១២) នៅ​វេលា​ម៉ោង​៣និង​៥៥នាទី​គឺ១ម៉ោង​មុន​ពេល​ចូល​រួម​សម្តែងសាកល្បង​សំរាប់​​កម្មវិធី Academy’s 2012 GRAMMY ដែល​នឹង​ប្រារព្ធឡើង​នៅ​រាត្រី​ថ្ងៃ​អាទិត្យនេះ។ មរណភាព​ដ៏​តក់ករហល់របស់​តារា​ចំរៀង​វ័យ​៤៨​ឆ្នាំរូប​នេះ បាន​ក្លាយ​ទៅ​ជា​ភាព​សោក​សៅ​និង​ភ្ញាក់​ផ្អើល​ជា​ខ្លាំង​សំរាប់​​អ្នក​រួម​អាជីព​ និង​អ្នក​គាំ​ទ្រ​នាងនៅ​ជុំ​វិញ​ពិភពលោក។​

នៅក្នុង​សន្និសីទ​កាសែត​ដ៏​ខ្លីមួយ​នៅសណ្ឋាគារ Beverly Hills លោក​អនុសេនីយ៍​ទោ Mark Rosen បាន​បញ្ជាក់​ថា ប៉ូលីសបាន​ទទួល​ទូរស័ព្ទបន្ទាន់ 911 ពី​ខាង​សណ្ឋាគារនៅម៉ោង  ៣និង​៤៣រសៀល មុនពេល​ដែល​តារា​ចំរៀង Whitney Houston​ ត្រូវបាន​ប្រកាស​ថា​​បានទទួល​មរណភាព​នៅ​ម៉ោង​៣និង​៥៥នាទី​។

 

Leave a Reply