ប្រទេសអូស្រ្ដាលីគឺជាប្រទេសជឿនលឿនមួយនៅក្នុងតំបន់ទ្វីបអូសេអានី ដែលជាប្រទេសនិយាយភាសាអង់គ្លេស។ អ្វីដែលសំខាន់នោះគឺថា សញ្ញាប័ត្រនៃសកលវិទ្យាល័យអូស្រ្ដាលីមានតម្លៃខ្ពស់ដែលអន្ដរជាតិគេទទួលស្គាល់។ ដោយសារអូស្រ្ដាលីមានទីតាំងភូមិសាស្រ្ដនៅជិតទ្វីបអាស៊ី អូស្រ្ដាលីមានសិស្ស និស្សិតជាច្រើនមកពីទ្វីបអាស៊ីមកសិក្សានៅក្នុងប្រទេសនេះ ក្នុង នោះមានដូច ជាមកពីចិន សិង្ហបុរី ឥណ្ឌា ឥណ្ឌូណេស៊ី ថៃ ឡាវ វៀតណាម និងកម្ពុជាជាដើម។
មិនតែប៉ុណ្ណោះ សិស្សប្រទេសផ្សេងៗទៀតនៅអឺរ៉ុប អាម៉េរិកឡាទីន ក៏មកសិក្សានៅអូស្រ្ដាលីដែរ។ ដោយឡែកចំពោះប្រទេសកម្ពុជាវិញ បើតាមតួលេខដែលវិទ្យុអូស្រ្ដាលីទទួលបាន នៅឆ្នាំសិក្សា២០០៩ និង២០១០នេះ កម្ពុជាមានសិស្សមករៀននៅអូស្រ្ដាលីប្រមាណជាង២៦០នាក់។
Recent Comments Gravatars