បណ្ដាញព័ត៌មានរបស់ប្រទេសអេស្ប៉ាញបានរាយការណ៍កាលពីថ្ងៃសុក្រនេះថា បុរសអ្នកទោសជនជាតិកាហ្សាក់ស្ថានម្នាក់ បានកាត់លិង្គរបស់ខ្លួនឯងនៅព្រលានយន្តហោះ Madrid Barajas ដើម្បីជៀសវាងការធ្វើបត្យាប័នខ្លួនគាត់ទៅប្រទេសកំណើតវិញ។
បុរសអាយុ៥២ឆ្នាំរូបនេះត្រូវបានតុលាការអេស្ប៉ាញកាត់ទោសឱ្យជាប់គុក៥ឆ្នាំ ពីបទប្រព្រឹត្តបទឧក្រិដ្ឋ ហើយត្រូវធ្វើបត្យាប័នទៅកាន់ប្រទេសកាហ្សាក់ស្ថានវិញនៅយប់ថ្ងៃចន្ទ ដែលនៅទីនោះគេនឹងធ្វើការកាត់ទោសគាត់ក្នុងរឿងក្ដីផ្សេងមួយទៀត។
បើទោះបីជាបុរសនោះត្រូវបានឃ្លាំមើលជាប់ដោយប៉ូលីសជាច្រើនរូបក្ដី ក៏គាត់នៅតែអាចបន្លំយកកូនកាំបិតមួយចេញមកពីក្នុងសម្លៀកបំពាក់របស់គាត់មក ហើយកាត់លិង្គរបស់ខ្លួនឯងស្ទើរតែដាច់បានដែរ។ ហេតុការណ៍នេះបានកើតឡើងនៅយប់ថ្ងៃចន្ទឆ្លងចូលថ្ងៃអង្គារ។
គេបានបញ្ជូនអ្នកទោសរូបនេះទៅកាន់មន្ទីរពេទ្យមួយកន្លែងនៅក្រុងម៉ាឌ្រីដ ហើយរហូតមកដល់ថ្ងៃសុក្រមុននេះ បុរសរូបនេះកំពុងតែឋិតនៅក្នុងសភាពគ្រោះថ្នាក់នៅឡើយ៕
(Espagne: Il se coupe le pénis pour éviter l’extradition, 20minute.fr)
Recent Comments Gravatars