EDF : ត្រូវសងលុយ ០ អឺរ៉ូ ជាបន្ទាន់បើមិនសងទេនឹងផ្ដាច់ចរន្ត !!!

លោក Jérémy Chassagne និង ភរិយា បានទទួលវិក្កយបត្រមួយ ពី EDF (Electrité de France : អគ្គិសនីបារាំង) ដែលទាមទារឱ្យគ្រួសារនេះ សងលុយជំពាក់ថ្លៃប្រើប្រាស់អគ្គិសនី ដែលមានទឹកប្រាក់ ០ អឺរ៉ូ។ បើ គ្រួសារនេះមិនព្រមសងលុយ ០ អឺរ៉ូ ដែលជំពាក់នេះទេ នោះនឹងត្រូវផ្ដាច់ភ្លើងលែងឱ្យប្រើ។

គ្រួសារ Chassagne រស់ក្នុងផ្ទះមួយ នៅកណ្ដាលចម្ការទំពាំងបាយជូរ នៅ Roaillan, តំបន់ Aquitaine ។ គ្រួសារនេះតែងបង់ថ្លៃប្រើប្រាស់អគ្គិសនីជាប្រចាំ តែចុងក្រោយនេះ វិក្កយបត្រ ត្រូវបានគេផ្ញើមកពួកគាត់ នៅពេលដែលពួកគាត់មិននៅផ្ទះ។ ពួកគាត់បានបង់ថ្លៃប្រើប្រាស់អគ្គិសនីយឺត។ ប៉ុន្តែ ពួកគាត់បានផ្ញើសែក ដើម្បីបង់ប្រាក់រួចរាល់ហើយ។ សែកបង់ប្រាក់នោះ ប្រហែលពេលដែលគាត់ផ្ញើទៅ ត្រូវពេលដែល EDF ផ្ញើសំបុត្រមកទារប្រាក់ម្ដងទៀត តែទោះជាយ៉ាងណាក្ដី ក្នុងសំបុត្រនោះ គេបានបញ្ជាក់ប្រាប់ថា បើពួកគាត់បានផ្ញើសែកបង់ប្រាក់រួចរាល់ហើយ នៅពេលដែលបានទទួលសំបុត្រនេះ ពួកគាត់អាចហែកសំបុត្រទារប្រាក់នេះចោលបាន។

ប៉ុន្តែចម្លែកអី នៅសប្ដាហ៍នេះ ពួកគាត់បានទទួលសំបុត្រទារប្រាក់មួយទៀត ដែលបញ្ជាក់ថា ពួកគាត់នៅជំពាក់ប្រាក់ EDF តម្លៃ 0 អឺរ៉ូ !!! បើមិនបង់ទេ គេនឹងផ្ដាច់ភ្លើងលែងឱ្យប្រើ !!

លោក Jérémy Chassagne បាននិយាយថា ” ដូចឡប់អ៊ីចឹង !! បើគ្នាមិនបង់ប្រាក់ មានន័យថាគ្នាអត់លុយហើយ ក្រអ៊ីចឹងហើយចង់ផ្ដាច់ភ្លើងគ្នាមិនឱ្យប្រើទៀត ហើយមិនត្រឹមតែចង់ផ្ដាច់ភ្លើងទេ ចង់ទារលុយបន្ថែម បន្ថែមទៀត !!!

គ្រួសារនេះបានលើកឡើងពីលទ្ធភាពច្រើនយ៉ាង ៖ “យើងមានដំណោះស្រាយច្រើនបែប។ ឬមួយចាំមើលមើ់ល៍ EDF វាឱ្យគេមកផ្ដាច់ភ្លើងមែនឬអត់។ តែថាដំណោះស្រាយនេះ មិនសូវស្រួលសោះ ស្រួលមិនស្រួល វាផ្ដាច់ភ្លើងយើងមែន។ ឬមិនអ៊ីចឹងទេ យើងផ្ញើសែក ០ អឺរ៉ូទៅឱ្យ EDF តែថាវាដូចជាសាហាវណាស់ ព្រោះត្រូវបង់ថ្លៃតែម… អ្ហើយយ៉ាប់តែម្ដង!! ” ។ ឪពុករបស់ Jérémy ជាបុគ្គលិកចូលរឺត្រែតរបស់ EDF បានផ្ដល់យោបល់ឱ្យពួកគាត់សងលុយ EDF ។ តែទោះជាយ៉ាងណាក្ដី Jérémy និង ភរិយា នៅសល់ពេលពីរបីថ្ងៃទៀតដើម្បីសម្រេចចិត្ត ។

អត្ថបទដើម៖