ឆ្កែ *ហ្គេយ* ត្រូវបានគេហាមមិនឱ្យចូលភោជនីយដ្ឋានមួយកន្លែង

នៅ Adelaïde ប្រទេស អូស្ត្រាលី នាខែឧសភា ឆ្នាំ២០០៩ ជនពិការភ្នែកម្នាក់ឈ្មោះ Jolly ឆ្កែនាំផ្លូវរបស់គាត់ឈ្មោះ Nudge និងមិត្រស្រី Lawrence មានបំណងចូលភោជនីយដ្ឋានថៃមួយ។ ហាងនោះបានដាក់ប្លាកថា គេអនុញ្ញាតឱ្យយកឆ្កែចូលបាន។

ប៉ុន្តែឆ្កែនោះត្រូវបានគេហាមមិនឱ្យយកចូលទៅវិញ ព្រោះថា « គូសង្សារនោះគេចង់យក ឆ្កែហ្គេយចូល » អ្នកបម្រើនិយាយប្រាប់ថៅកែ។

អ្នកបម្រើស្ដាប់ពាក្យ Guide dog (ឆ្កែនាំផ្លូវជនពិការ) ច្រឡំថា « gay dog » (ឆ្កែហ្គេយ)។

រឿងនេះបានឡើងដល់តុលាការ។ ម្ចាស់ហាងលោក Hong Hoa Thi To និង Anh Hoang Le បានពន្យល់ថា ពួកគេគិតថា Nudge ជាឆ្កែធម្មតា ប៉ុន្តែត្រូវគេក្រៀវឱ្យក្លាយជាឆ្កែហ្គេយ!! (sic !)

កាលពីថ្ងៃសុក្រសប្ដាហ៍មុននេះ ម្ចាស់ហាងត្រូវបានពិន័យឱ្យបង់ប្រាក់សង់ជំងឺចិត្តលោក Jolly 1500 ដុល្លារ និងត្រូវបង្ខំឱ្យទៅរៀនច្បាប់ស្ដីពី « សិទ្ធិទទួលបានឱកាសស្មើគ្នា » ។ ថៅកែហាងត្រូវបានបង្ខំឱ្យសរសេរលិខិតសុំទោសម្ចាស់ឆ្កែផងដែរ។

—————————————-
Source