លួចទូរស័ព្ទគេហើយ នៅហ៊ានមកសុំគេធ្វើ Friend ក្នុង Facebook ទៀត !!!

GREELEY, ខូឡូរ៉ាដូ — បុរសម្នាក់ត្រូវបានគេចោទប្រកាន់ថាលួចទូរស័ព្ទដៃរបស់គេ ដែលបន្ទាប់ពីហេតុការណ៍ចោរកម្មនោះបានកើតឡើង បុរសនោះបានសុំជនរងគ្រោះធ្វើជា Friend នៅក្នុង Facebook ។

ប៉ូលីសបានឱ្យដឹងកាលពីថ្ងៃសៅរ៍កន្លងទៅនេះថា ស្ត្រីរងគ្រោះបានភ្ញាក់ពីដំណេកនៅពេលព្រឹក ឃើញចោរចូលផ្ទះ។ នាងក៏ស្រែក ចោរក៏ឆក់យកទូរស័ព្ទដៃ ហើយរត់ភៀសខ្លួនបាត់ទៅ។ នារីរងគ្រោះបានឱ្យដឹងថា បន្តិចក្រោយមក នាងទទួលបានការស្នើសុំធ្វើជាមិត្តក្នុង Facebook ពីបុរសម្នាក់ ដែលនៅពេលនោះនាងបានស្គាល់ថាជាចោរដែលចូលក្នុងផ្ទះ នោះ។

ប៉ូលីសបាននិយាយថា ពួកគេបានកំណត់ទីតាំងមុខសញ្ញា បាន តាមរយៈសារខ្លីៗ SMS ដែលផ្ញើទៅកាន់មិត្តភក្តិជនរងគ្រោះ ចេញពីទូរស័ព្ទដែលបាត់នោះ។ បុរសអាយុ ២២ឆ្នាំ ឈ្មោះ Juan Gonzales Jr. ត្រូវបានប៉ូលីសឃាត់ខ្លួនពីបទចោរកម្ម ដ៏ចម្លែកនេះ។

ប្រភពព័ត៌មាន៖