MacBook core i7 អាចប្រើដាំទឹកក្ដៅឆុងតែបាន

នៅពេលធ្វើការសាកល្បង PC Authorithy បានរកឃើញថា MacBook Pro 17″ បានឡើងកម្ដៅដល់ 100 អង្សាសេ។

MacBook Pro 17″ ប្រើ CPU Intel ប្រភេទ Core i7-620M ។ i7 ជា cpu ដែលមានសមត្ថភាពខ្ពស់ ធ្វើការលឿន ដូច្នេះវាបង្កើតជាកម្ដៅយ៉ាងខ្លាំង។ អ្នកប្រើMacBook បានរាយការណ៍ថា កុំព្យូទ័រនេះទាំងមូលបានឡើងកម្ដៅយ៉ាងខ្លាំង រហូតដល់មិនអាចប៉ះបាន។

ក្រុម PC Authorithy មានសាកល្បង MacBook Pro ជាមួយប្រូក្រាម Dwarf Fortress និង Maxon’s Cinebench 11.5 ដាច់ដោយឡែកពីគ្នា។ គេបានដំណើរការប្រូក្រាមទាំងនេះ ដោយប្រើ cpu និង ram ជាអតិបរមា។ កុំព្យូទ័រនេះបានឡើងកម្ដៅរហូតដល់១០១អង្សាសេ។

គេបានសាកល្បងតាមរបៀបដូចគ្នា លើ កុំព្យូទ័រម៉ាក Fujitsu Lifebook SH 760 ដែលប្រើ cpu ដូចគ្នា។ គេបានរកឃើញថា កម្ដៅឡើងខ្ពស់បំផុតត្រឹម 80 អង្សាសេ ក្ដៅគួរសមដែរ តែគេអាចប៉ះបានដោយគ្មានបញ្ហា។

ជាចុងក្រោយក្រុមការងាររបស់ PC Authorithy បានសន្និដ្ឋានថា ប្រព័ន្ធត្រជាក់របស់ MacBook Pro ឌីសាញមកមិនបានត្រឹមត្រូវដើម្បីទប់ទល់នឹងកម្ដៅ cpu i7 ដែលអាចធ្វើការរហូតដល់កម្ដៅ 105°C បាន។

មានអ្នកអានខ្លះរបស់ វ៉ិបសាយ PC Authorithy បានឱ្យយោបល់ថា PC Authorithy គួរតែទាក់ទង Apple ជាមុន ព្រោះបញ្ហានេះ អាចបណ្ដាលមកពី laptop ដែលគេយកមកតេស្តនោះជាlaptop ខូច៕

***** It is strange to me that google adsens relate “barbecue” to this post