ការប្រើសារធាតុគីមី លើចំណីអាហារ ត្រូវបានគេកត់សម្គាល់ថា មានការចុះថយខ្លះៗ ដោយនៅលើទីផ្សារទំនិញទាំងនោះត្រូវបានគេជៀសវាង។ មន្រ្តីបានបញ្ជាក់ថាប្រជាពលរដ្ឋកាន់តែច្រើនបានយល់អំពីឥទ្ធិពលអាក្រក់របស់ចំណីអាហារដែលដាក់សារធាតុគីមី។
ប្រជាពលរដ្ឋបានឲ្យដឹងថា បច្ចុប្បន្ននេះអ្នកទិញចំណីរអាហារនៅលើទីផ្សារបានយល់ច្រើនអំពីការប្រើសារធាតុគីមីនៅក្នុងចំណីអាហារ។
មន្រ្តីសុខាភិបាលបានឲ្យដឹងថា ប្រមាណជា៥ឆ្នាំកន្លងនេះផលិតផលចំណីអាហារនិងបន្លែត្រូវបានចាប់ផ្តើមនិយមការប្រើសារធាតុគីមីដើម្បីឲ្យចំណីអាហាររក្សាទុកបានយូរ មិនស្វិតនិងមានពណ៌ស្រស់។
មន្រ្តីសុខាភិបាលបានបញ្ជាក់ថា អ្នកហូបចំណីអាហារដែលប្រើសារធាតុគីមី នឹងរងគ្រោះដល់ប្រព័ន្ធរំលាយអាហារហើយប្រឈមមុខនឹងការបាត់បង់ជីវិត។ អ្នកលក់ស្ពៃជ្រក់និងត្រីងៀត បាននិយាយថាចំណីអាហារដែលប្រើជាតិគិមី បានបាត់បង់អ្នកទិញជាបណ្តើរៗ
ហើយ។
មន្រ្តីគណៈកម្មការផ្សារចាស់នៅរាជធានីភ្នំពេញ បានឲ្យដឹងថាមន្រ្តីកាំកុងត្រូលបានចុះមកជាញឹកញាប់ក្នុងរង្វង់មួយខែម្តងដើម្បីអប់រំនិងហាមការលក់ចំណីអាហារនិងបន្លែដែលប្រើសារធាតុគីមី។
លោក យង់ សាំងកុមារ ប្រធានមជ្ឈមណ្ឌលសិក្សាអភិវឌ្ឍន៍កសិកម្មកម្ពុជាបានបញ្ជាក់ថាការធ្វើដំណាំដោយប្រើសារធាតុគីមីត្រូវបានកាត់បន្ថយខ្លះហើយ លើកលែងតែអ្នកមានចម្ការធំៗ។
រូបភាពនិងអត្ថបទពី វិទ្យុអូស្ត្រាលី
Techno Charity is a charitable organization created in 2006 by engineers graduated from the Institute of Technology of Cambodia.
Recent Comments