វិទ្យុអូស្ត្រាលី៖ ក្រសួងសុខាភិបាលចាប់ផ្តើមចុះបង្រ្កាបគ្លីនិកឯកជនខុសច្បាប់

ដកស្រង់ពី៖ http://khmer.radioaustralia.net.au/archives/current_affairs/?p=21571

មន្រ្តីក្រសួងសុខាភិបាលបានឲ្យដឹងថា ក្រសួង បានចាប់ផ្តើមអនុវត្ត ការពង្រឹងគុណភាពសេវាសុខាភិបាលផ្នែកឯកជននៅទូទាំងប្រទេសឡើងវិញហើយ។ លោក សរ សុវណ្ណារ៉ា ធ្វើសេចក្តីរាយការណ៍ពីរាជធានីភ្នំពេញមកថាការពង្រឹងគុណភាពសេវាសុខាភិបាលផ្នែកឯកជននេះ បានធ្វើឡើងតាមរយៈការបោសសម្អាតគ្លីនិកឯកជនដែលដំណើរការខុសច្បាប់ និង គ្មានជំនាញវិជ្ជាជីវៈខាងវេជ្ជសាស្ត្រត្រឹមត្រូវ។

មន្រ្តីក្រសួងសុខាភិបាលបានឲ្យដឹងថា ក្រសួងនេះ បានចាប់ផ្តើមចុះពិនិត្យមើលគ្លីនិកខុសច្បាប់ និងការផ្សាយពាណិជ្ជកម្មគ្លីនិក ដែលនាំឲ្យមានផលអាក្រក់ដល់សុខភាពប្រជាពលរដ្ឋ។ លោក សាន់ សារីប្រធាននាយកដ្ឋានមន្ទីរពេទ្យនៃក្រសួងសុខាភិបាលបានមានប្រសាសន៍ថា ការសម្រេចនេះ បានធ្វើឡើងក្រោយពេលដែលការព្យាបាលនៅឯគ្លីនិកឯកជនកាន់តែបង្កផលអវិជ្ជមានដល់ប្រជាពលរដ្ឋ។

លោកបានបញ្ជាក់ថា គ្លីនិកនៅប្រទេសកម្ពុជាមានប្រមាណ២០០ ដែល១០ភាគរយក្នុងចំណោមនោះ ពុំមានច្បាប់ត្រឹមត្រូវ។ មន្រ្តីក្រសួងសុខាភិបាលបានឲ្យដឹងថា ការអនុវត្តវិធានការណ៍ត្រួតពិនិត្យនេះបានធ្វើឡើងបន្ទាប់ពីគ្លីនិកឯកជនកាន់តែបង្កផលអាក្រក់ដល់អ្នកជំងឺទាំងក្មេងទាំងចាស់ ពិសេសថ្មីៗនេះមានអ្នកជំងឺជាបន្តបន្ទាប់បានស្លាប់ដោយការធ្វេសប្រហែស និងខ្វះការទទួលខុសត្រូវ។

លោកប្រធាននាយកដ្ឋានមន្ទីរពេទ្យនៃក្រសួងសុខាភិបាលបានមានប្រសាសន៍ថា ការចុះត្រួតពិនិត្យដើម្បីបិទគ្លីនិកខុសច្បាប់នេះ នឹងផ្តោតទៅលើការពិនិត្យកម្រិតសមត្ថភាពពេទ្យ បទពិសោធន៍ការងារព្យាបាល ការប្រើថ្នាំដែលទទួលស្កាល់ដោយក្រសួងសុខាភិបាលនិងគ្រូពេទ្យមិនចេះភាសាខ្មែរដែលអាចប៉ះពាល់ដល់ការព្យាបាល។ ជាមួយគ្នានេះ លោកបានបញ្ជាក់ថា ការផ្សព្វផ្សាយពាណិជ្ជកម្មគ្លីនិកក៏បាននាំឲ្យប្រជាពលរដ្ឋពីជនបទទទួលរងគ្រោះខ្លាំងជាងគេ។

លោក សាន់ សារី បានបញ្ចាក់ថា ការផ្សាយពាណិជ្ជកម្មគ្លីនិកអាចធ្វើទៅបានក្នុងលក្ខខណ្ឌត្រូវឆ្លងកាត់ក្រសួងសុខាភិបាលដើម្បិពិនិត្យមើលលើលក្ខណៈវិជ្ជាជីវៈ។ លោកបានសំណូមពរឲ្យវិទ្យុ និងទូរទស្សន៍មេត្តាបញ្ឈប់ការផ្សាយពាណិជ្ជកម្មគ្លីនិកដែលគ្មានការអនុញ្ញាតពីក្រសួងសុខាភិបាលដើម្បីជាប្រយោជន៍ជួយគាំពារសុខភាពប្រជាពលរដ្ឋ។

————————————————————————————————————————————–

ដកស្រង់ពី ៖ http://www.dap-news.com

ក្រសួងសុខាភិបាលបានប្រកាសបិទគ្លីនិកប្ញស្សីកែវ

ក្រសួងសុខាភិបាលកាលពីល្ងាចថ្ងៃសៅរ៍កន្លងទៅបានសម្រេចប្រកាសបិទអាជីវកម្មមន្ទីរសម្រាកព្យបាលប្ញស្សីកែវមួយរយៈ។ ការ ប្រកាសបិទនេះដោយសារតែគ្លីនិក នេះបានវះកាត់ស្រី្តរំលូតកូនម្នាក់បណ្តាលឲ្យស្លាប់ទាំងម្តាយទាំងកូន។ នៅថ្ងៃច័ន្ទនេះក្រសួង សុខាភិបាលនឹងចុះទៅបិទមន្ទីរសម្រាកព្យបាលប្ញស្សីកែវជាផ្លូវការ។