ខ្សែភាពយន្តរឿងអវតារ AVATAR របស់លោកជេម កាមឺរ៉ូន មកដល់ចុងសប្តាហ៍កន្លងមកនេះ រកចំណូលបាន៥០០លានដុល្លារ នៅសហរដ្ឋអាមេរិក និងកាណាដា ដែលចំណូលសរុបលើពិភពលោកឡើងដល់ ១.៦០០លានដុល្លារហើយ។ ខ្សែភាពយន្តខ្នាតវែង របស់លោកជេម កាមឺរ៉ូន នេះក្លាយជាខ្សែភាពយន្តខ្នាតវែងទី៣ ដែលរកចំណូល បានច្រើនបំផុតជាប្រវត្តិសាស្ត្រនៅអាមេរិកខាងជើង។ នៅលើពិភពលោកខ្សែភាពយន្តនេះជាខ្សែភាពយន្តល្បីល្បាញបំផុតទី២ បន្ទាប់ពីខ្សែភាពយន្តរឿង “ ទីតានីក ” របស់លោកជេម កាមឺរ៉ូន ដែរ ។ ខ្សែភាពយន្តនេះនាចុងសប្តាហ៍កន្លងមកបញ្ចាំងនៅអាមេរិករកចំណូលបាន ដល់ ៤១, ៣លានដុល្លារហើយគិតពីពេលចាប់បញ្ចាំងមកនៅអាមេរិករកចំណូលបាន ៤៩១,៨លានដុល្លារ។ ខ្សែភាពយន្តរឿងអវតារជាខ្សែភាពយន្តរកចំណូលបានច្រើនជាងគេបំផុតទោះបីជាពុំទាន់មានទស្សនិកជនទស្សនាឡើងដល់១៣០លាននាក់ដូចខ្សែភាពយន្តរឿងទីតានីកក៏ដោយ។ តម្លៃសំបុត្រចូលទស្សនារឿងនេះគិតជាមធ្យមសំបុត្រមួយថ្លៃ៧,៥០ដុល្លារ ទល់នឹង ៤,៦០ដុល្លារ ក្នុងការបញ្ចាំងរឿង ទីតានីក។
ពិធីប្រគល់រង្វាន់ផែនដីមាសលើកទី៦៧ ប្រចាំឆ្នាំ ២០១០ ត្រូវបានរៀបចំធ្វើឡើងនៅក្នុងទីក្រុង Berverly Hill រដ្ឋកាលីហ្វ័រនីញ៉ា សហរដ្ឋអាមេរិកកាលពីថ្ងៃទី១៧ មករា កន្លងមក។ ការប្រគល់រង្វាន់ផែនដីមាស (Golden Globe) ំ ជាព្រឹត្តិការណ៍ប្រគល់រង្វាន់ប្រចាំឆ្នាំដ៏ធំមួយដូចមហោស្រពភាពយន្តជាលក្ខណៈអន្តរជាតិដែលប្រារឰធ្វើឡើងនៅក្នុងទីក្រុងកាន ប្រទេសបារាំងដែរ ត្រូវបានរៀបចំឡើង
ដើម្បីប្រគល់រង្វាន់ដល់ខ្សែភាពយន្តដែលល្អបំផុត និងអ្នកនិពន្ធ តារាចំរៀង និង តារាភាពយន្តដែលមានទេពកោសល្យល្អបំផុតប្រចាំឆ្នាំ។ នៅឆ្នាំនេះ ចំណាត់ថ្នាក់ជាខ្សែភាពយន្ត ល្អបំផុតបានទៅលើខ្សែភាពយន្តថ្មីមួយ គឺ រឿង“Avatar ” ដែលជាប់ចំណាត់ថ្នាក់ជាខ្សែភាពយន្តរកប្រាក់ចំណូលបានច្រើនបំផុតនៅលើពិភពលោកដោយគ្រាន់តែដាក់បញ្ចាំងក្នុងសប្តាហ៍ដំបូងទទួលបានប្រាក់ចំណូលដល់ទៅ ជាង១ពាន់លានដុល្លារអាមេរិកហើយ បច្ចុប្បន្នកំពុងបន្តវាយលុកនៅតាមរោងភាពយន្តធំៗនៅក្នុងប្រទេសផ្សេងៗលើពិភពលោក។
រឿង “Avatar ” ជាប្រភេទភាពយន្តគួរឱ្យចាប់អារម្មណ៍មួយនិយាយអំពីមនុស្សក្រៅភព។ រឿងនេះនិពន្ធដោយ លោក Jame Cameron ជាអ្នកនិពន្ធដ៏ល្បីឈ្មោះ របស់ប្រទេសកាណាដា ។ លោក Jame Cameron ក៏បានជាប់ចំណាត់ថ្នាក់ជាអ្នកនិពន្ធ ដែលមានស្នាដៃល្អបំផុតនៅក្នុងពិធីប្រគល់រង្វាន់ផែនដីមាស ប្រចាំឆ្នាំ២០១០ នេះផងដែរ ។
Techno Charity is a charitable organization created in 2006 by engineers graduated from the Institute of Technology of Cambodia.
Recent Comments