នាយកចាត់ការទូទៅរបស់ក្រុមហុន អាកាសចរណ៍ ថៃអែវ៉េ (Thai Airways) នៅរាជធានីភ្នំពេញបានឱ្យដឹងកាលពីថ្ងៃព្រហស្បតិ៍ម្សិល មិញថាក្រុមហ៊ុនបានប្រឈមនឹងការធ្លាក់ចុះនូវប្រាក់ចំណូលនិងចំនួនអ្នកដំណើរមកកាន់កម្ពុជា។ ការនេះបណ្តាលមកពីវិបត្តិសេដ្ឋកិច្ចពិភពលោកនិងជម្លោះនយោបាយរវាងនាយករដ្ឋមន្ត្រី ហ៊ុនសែន និងរដ្ឋាភិបាលក្រុងបាងកក។ លោក Narinthorn Purnagupta បានបញ្ជាក់ថាការបិទព្រលានយន្តហោះសុវណ្ណភូមិកាលពីដំណាច់ឆ្នាំ២០០៨និងភាពរង្គោះរង្គើររវាងទំនាក់ទំនងខ្មែរ -ថៃកាលពីពេលថ្មីៗបានបន្តផលប៉ះពាល់ អវិជ្ជមានទៅលើ ក្រុមហ៊ុនអាកាសចរណ៍ជាតិថៃ ។ លោកបានបន្ថែមថា មន្ត្រីជាន់ខ្ពស់ របស់រដ្ឋាភិបាលកម្ពុជា បាន បញ្ឈ ប់ការធ្វើដំណើរតាម ជើងហោះហើរ របស់ថែតទៅទៀត កាលពីប៉ុន្មានខែចុងក្រោយនេះ ។ លោក Narinthorn បានលើកឡើងថា “ ជាធម្មតា យើងអាច និយាយបានថា មន្ត្រីទាំងនោះតែងតែកក់សំបុត្រយន្តហោះរបស់ថៃអែវ៉េ”។ លោកបានអះអាងថាថ្មីៗ នេះបញ្ជីឈ្មោះ អ្នកដំណើរដែលបាន កក់សំបុត្រយន្តហោះរបស់ថៃអែវ៉េមិនមានឈ្មោះរបស់មន្ត្រីរដ្ឋាភិបាលទាំងនោះឡើយ។ កាលពីម្សិ លមិញមន្ត្រីរដ្ឋាភិបាល កម្ពុជា បានបដិសេធថា មិនមានការធ្វើពហិការ និង បញ្ឈ ប់ការធ្វើដំណើរតាមជើងហោះហើររបស់ ថៃអែរវ៉េនោះទេ ។ លោក ផៃ ស៊ីផាន អ្នកនាំពាក្យរបស់ទីស្តីការគណៈរដ្ឋមន្ត្រីបានថ្លែងថា “យើងស្វាគមន៍យ៉ាងកក់ក្តៅចំពោះផលិតផលថៃ។ ពាណិជ្ជកម្មរវាងកម្ពុជា និងថៃនៅតែបន្តប្រព្រឹត្តទៅដូចធម្មតា ”។ លោកកុយ គួងអ្នកនាំពាក្យរបស់ក្រសួងការបរទេសនិងសហប្រតិបត្តិការអន្តរជាតិបានបញ្ជាក់ថា មន្ត្រីរដ្ឋាភិបាល មានសិទ្ធិក្នុងការជ្រើសរើសក្រុមហ៊ុនអាកាសចរណ៍ណាមួយស្រេចតែចិត្តនៅពេលមន្ត្រីទាំងនោះទៅទស្សនកិច្ចនៅបរទេស ពោលគឺអាស្រ័យ ទៅលើតម្លៃ ភាពងាយស្រួល និង គុណភាពសេវាដែលក្រុមហ៊ុនទាំងនោះផ្តល់ដល់អតិថិជនរបស់ខ្លួន។ លោក Narinthorn បានបន្ថែមថា ថៃអែរវ៉េជាក្រុមហ៊ុនអាកាសចរណ៍ដែលមិនបានកំណត់គោលដៅហោះហើររវាងភ្នំពេញ និងបាងកកឡើយដោយសារក្រុមហ៊ុន បានសម្រេចកំណត់គោលដៅសម្រាប់អ្នកដំណើរផ្លូវឆ្ងាយ ក្នុងគោលបំណងពង្រីកអាជីវកម្មរបស់ខ្លួននៅកម្ពុជា។ អ្នកដំណើរតាមជើងហោះហើររបស់ថៃអែរវ៉េមានចំនួនទាបជាងតួលេខជាមធ្យមនៅក្នុងឧស្សាហកម្មនេះទៅទៀត។
Techno Charity is a charitable organization created in 2006 by engineers graduated from the Institute of Technology of Cambodia.
Recent Comments