From: http://www.rfi.fr/actukm/articles/119/article_3771.asp
ប្រជាជន និងអង្គការសង្គមស៊ីវិលប្រតិកម្មទៅនឹងការតម្លើងពន្ធ និងការបង្កើតពន្ធថ្មីនៅឆ្នាំ ២០១០ខាងមុខនេះ។ ពន្ធទាំងនោះជារួមមាន ពន្ធលើប្រាក់បៀវត្សរ៍ ពន្ធលើអចលនទ្រព្យ និងពន្ធលើមធ្យោបាយដឹកជញ្ជូន។
វិធានការបង់ពន្ធលើប្រាក់បៀវត្សរ៍នឹងចាប់ផ្តើមអនុវត្តតឹងរ៉ឹងតាមផ្លូវច្បាប់ចាប់ពីឆ្នាំ ២០១០ខាងមុខនេះហើយ។
លោក ជាម យៀបប្រធានគណៈកម្មការសេដ្ឋកិច្ច និងហិរញ្ញវត្ថុនៃរដ្ឋសភាជាតិបាននិយាយប្រាប់នៅថ្ងៃសៅរ៍ទី ២៨ខែ វិច្ឆិកានេះថា ច្បាប់ដែលចែងអំពីការដកពន្ធលើប្រាក់ខែបានចូលជាធរមានតាំងពី ច្រើនឆ្នាំមកហើយ ប៉ុន្តែការអនុវត្តន៍ជាក់ស្តែងមិនទាន់ត្រូវបានធ្វើឡើងពិតប្រាកដនៅ ឡើយទេ នាពេលកន្លងមក។ ដូច្នេះ ចាប់ពីឆ្នាំក្រោយនេះ ការអនុវត្តន៍ត្រូវតែមានប្រសិទ្ធិភាពជាងមុន។ មន្ត្រីរាជការ មន្រ្តីអង្គការ និងបុគ្គលិកក្រុមហ៊ុនដែលមានប្រាក់ខែលើសពី ៥០ម៉ឺនរៀល ឬលើសពី ១២០ដុល្លារឡើងទៅនឹងត្រូវជាប់កាតព្វកិច្ចបង់ពន្ធនេះ។ ការបង់ពន្ធលើប្រាក់បៀវត្សរ៍ វាជារឿងមួយ ប៉ុន្តែប្រជាជនខ្មែរនៅជាប់កាតព្វកិច្ចបង់ពន្ធផ្សេងទៀតសម្រាប់ ឆ្នាំ ២០១០ខាងមុខនេះ។ ច្បាប់ថវិកាថ្មីសម្រាប់ឆ្នាំ ២០១០ដែលត្រូវពិភាក្សានៅរដ្ឋសភានៅថ្ងៃចន្ទខាងមុខនេះបានចែងអំពី ការយកពន្ធលើអចលនទ្រព្យ។ ផ្ទះ អគារ និងសំណង់ផ្សេងៗដែលសង់ភ្ជាប់នឹងដីមានតម្លៃលើសពី ២៥០០០ដុល្លារត្រូវបង់ពន្ធ ០,១ភាគរយប្រចាំឆ្នាំ។ ប៉ុន្តែច្បាប់ថវិកាឆ្នាំ ២០១០បានចែងច្បាស់ថា អចលនទ្រព្យជាដីកសិកម្មមិនយកពន្ធទេ។
ក្រៅអំពីពន្ធលើ អចលនទ្រព្យ និងពន្ធលើប្រាក់ប្រៀវត្សរ៍ រាជរដ្ឋាភិបាលនៅក្នុងច្បាប់ថវិកាឆ្នាំ ២០១០បានសម្រេចដំឡើងពន្ធផ្លូវលើយានយន្តយ៉ាងច្រើនសន្ធឹកសន្ធាប់។ សម្រាប់រថយន្តខ្លះ ពន្ធផ្លូវត្រូវកើនឡើងជាង ១០ដង។
Techno Charity is a charitable organization created in 2006 by engineers graduated from the Institute of Technology of Cambodia.
8 Responses
ច្បាប់នេះនៅតែធ្វើអោយដីរាប់រយហិចតារបស់អ្នកមានក្នុងស្រុកខ្មែរ នៅតែរួចពន្ទដដែល គេនឹងបង្វែដីទាំងនោះជាដីកសិកម្មទាំងមិនមានដំណាំអីផង! ហាហារឿងអីថាមិនរួចព័ន្ធ!
ច្បាប់នេះនៅតែធ្វើអោយដីរាប់រយហិចតារបស់អ្នកមានក្នុងស្រុកខ្មែរ នៅតែរួចពន្ទដដែល គេនឹងបង្វែដីទាំងនោះជាដីកសិកម្មទាំងមិនមានដំណាំអីផង! ហាហារឿងអីថាមិនរួចព័ន្ធ!
ត្រូវគ្មានខុសអីបន្តិចទេ!!
វេទនាហើយ។ ប្រាក់ខែមិនតំឡើងហើយ ទាពន្ធទៀត។ ប្រាក់ខែត្រឹម១២០អីចាយមិនទាំងគ្រប់ផងនៅស្រុកខ្មែរ
មិនអីទេលុយតិច គេកាត់តាមតិចដែរ។ ប្រាក់ខែមួយ១២០ កាត់អស់២០ភាគរយ នៅសល់៩៦ដុល្លារ ។ ១២០ និង ៩៦ មានខុសគ្នាប៉ុន្មាន!! ចាយអត់គ្រប់ដូចតែគ្នា
ដីកសិកម្មអត់យកពន្ធ!!
ដីអ្នកធំទាំងអស់ប្រហែលក្លាយជាដីកសិកម្មទាំងអស់ ព្រោះឃើញគេដាំស្វាយពេញ។ បើមិនមញ្ចឹងទេ ដាំស្មៅអោយគោស៊ី!!
រួចពន្ធដដែល
អស្ចារ្យក្រៃហើយចឹង។ ហិហិ គេយក២០ភាគរយមែនក៏អី?
គិតចុះគិតឡើង ជាន់កអ្នកក្រដដែលណឹង។
ឧទាហរណ៍ជាលេខលេងៗទេ កុំទាន់ភ័យអី