រាជធានីភ្នំពេញ៖ ជនជាតិនីហ្សេរីយ៉ា ស្បែកខ្មៅម្នាក់ក្នុងចំណោមបក្សពួក៣នាក់ ត្រូវសមត្ថកិច្ចកងរាជអាវុធហត្ថលើផ្ទៃប្រទេសចាប់ខ្លួននាំមកឆែកឆេរ លំនៅឋានផ្ទះជួលមួយ កន្លែងស្ថិតនៅក្រុមទី៥ ភូមិភ្នាត សង្កាត់ស្ទឹងមានជ័យ ខណ្ឌមានជ័យ កាលពីព្រឹកថ្ងៃ ទី២១ មករា ដើម្បីរុករកវត្ថុតាងមួយចំនួនពាក់ព័ន្ធបទល្មើសប្រព្រឹត្តសកម្មភាព ឆបោក និងបញ្ហាក្លែងក្លាយប្រាក់ដុល្លារអាមេរិកធ្វើការចាយវាយលើទីផ្សារនៅ ប្រទេសកម្ពុជា។
ជនសង្ស័យខាងលើនេះឈ្មោះ OKEKE OBUMNEME MICHAEL ហៅ លូ ហ្គាស ភេទប្រុស អាយុ៣៨ឆ្នាំ ជួលផ្ទះលោក ម៉ម ប៊ុននាង អតីតអភិបាលរងរាជធានីភ្នំពេញ ស្នាក់នៅជាមួយមិត្តភក្ដិជាជនជាតិស្បែកខ្មៅដូចគ្នា។ មន្ត្រីកងរាជអាវុធហត្ថលើផ្ទៃប្រទេសបានឲ្យដឹងថា ឈ្មោះលូ ហ្គាស និង បក្សពួកមួយចំនួនទៀតជាប់ពាក់ព័ន្ធបញ្ហាឆបោកប្រាក់ស្ត្រីម្នាក់។ មន្ត្រីដដែលមិនបាន អះអាងជាផ្លូវការថា បញ្ហាឆបោកប្រាក់នោះ កើតឡើងដោយសារមូលហេតុយ៉ាងណាទេ ប៉ុន្តែសមត្ថកិច្ចអះអាងថា ចាំបន្តប្រតិបត្តិការស្រាវជ្រាវឲ្យបានម៉ត់ចត់សិន ព្រោះនៅបន្តនីតិវិធីបង្ក្រាបវែងឆ្ងាយទៀត។
ប្រភពព័ត៌មានក្រៅផ្លូវការបានឲ្យដឹងថា ឈ្មោះ លូ ហ្គាស ជាតួអង្គមួយរូបដែលដើរតួជាអ្នកចេះលាងលុយដុល្លារខ្មៅ ដើម្បីឱ្យ ចាយវាយបាននៅតាមទីផ្សារ។ ទាក់ទិននឹងបញ្ហាលុយខ្មៅនេះ ប្រភពព័ត៌មានបានឲ្យដឹងថា កន្លងមកកាលពីអំឡុងរដូវបុណ្យអុំទូក អកអំបុក សំពះព្រះខែ និងបណ្ដែតប្រទីបឆ្នាំ២០០៩កន្លងមក មានស្ត្រីម្នាក់ឈ្មោះ កេត បុប្ផា អាយុ៤១ឆ្នាំ បានចាញ់បោកបក្សពួករបស់ឈ្មោះ លូ ហ្គាស អស់ប្រាក់ចំនួន២ម៉ឺនដុល្លារ។ ប្រភពដដែលបានបន្តទៀតថា មុន ពេលស្ត្រីឈ្មោះ កេត បុប្ផា ចាញ់បោកពួកជនជាតិស្បែកខ្មៅអស់ប្រាក់រាប់ម៉ឺនដុល្លារគឺដោយសារ ឈ្មោះ កេត បុប្ផា បានលង់ចិត្តជឿលើបុរសជនជាតិអង់គ្លេសម្នាក់តាមរយៈអ៊ីនធឺណិត។ រូបភាពនៃអំពើបោកប្រាស់របស់បុរសជនជាតិអង់គ្លេសនោះ គឺការខ្ចីលុយពីស្ត្រី កេត បុប្ផា យកទៅប្រើប្រាស់ទិញថ្នាំ និងពុម្ពសម្រាប់លាងលុយខ្មៅដែលបុរស អ៊ីនធឺណិតនោះអះអាងថា ខ្លួនមានប្រាក់ដុល្លារខ្មៅ៨០ម៉ឺនដុល្លារ។ តាមប្រភពព័ត៌មានបានបន្តទៀតថា បុរសដែលបោកប្រាស់ ស្ត្រីខ្មែរតាមរយៈអ៊ីនធឺណិតនោះបាន និយាយថា ឈ្មោះ កេត បុប្ផា គ្រាន់តែចំណាយលុយមួយចំនួនដើម្បីរត់ការនាំយកទូដែក ដែលមានលុយខ្មៅ៨០ម៉ឺនដុល្លារយកមកស្រុកខ្មែរ ហើយទិញថ្នាំលាងលុយខ្មៅនោះ គឺចាយបានហើយ ។ ដោយភាពឆោតល្ងង់ និងចង់បានប្រាក់ខ្វះការពិចារណា ឈ្មោះ កេត បុប្ផា បានចាញ់បោកក្រុមអ៊ីនធឺណិតដែលមានឈ្មោះ លូ ហ្គាស និងបក្សពួកស្បែកខ្មៅឯទៀតអស់ប្រាក់២ម៉ឺនដុល្លារ។ រឿងរ៉ាវនៃអំពើបោកប្រាស់ខាងលើនេះ មានវែងឆ្ងាយតទៅទៀត ប៉ុន្តែមិនទាន់ត្រូវបានបរិយាយឲ្យបានពិស្ដារ ព្រោះសមត្ថកិច្ចទុកពេលស្រាវជ្រាវបន្តទៀត។
មានការកត់សំគាល់ឃើញថា ជនជាតិស្បែកខ្មៅកំពុងអុកឡុកប្រជាពលរដ្ឋខ្មែរ ខ្លាំងណាស់នាពេលបច្ចុប្បន្ននេះ ពិសេសគឺនៅរាជធានីភ្នំពេញតែម្ដង។ ប្រជាពលរដ្ឋខ្លះរត់ម៉ូតូឌុបដឹកជនជាតិស្បែកខ្មៅដល់គោលដៅហើយអត់ បានលុយក៏មាន។ រីឯអ្នកខ្លះទៀតឮសូរតែក្រុមស្បែកខ្មៅមកជួលផ្ទះស្នាក់នៅ គឺលែងហ៊ានជួលឲ្យហើយ ព្រោះខ្លាចអត់បានលុយឈ្នួលផ្ទះ។ បញ្ហានេះ សមត្ថកិច្ចជំនាញ ពិសេសនាយកដ្ឋានគ្រប់គ្រងជនបរទេស ក៏ដូចជាការិយាល័យគ្រប់គ្រងជនបរទេសនៃស្នងការដ្ឋាននគរបាលរាជធានី ភ្នំពេញ គួរមានវិធានការគ្រប់គ្រង ឲ្យបានម៉ត់ចត់ ដើម្បីក្ដាប់ឲ្យបានពីសមាស ភាពជនបរទេសខិលខូចដែលមកសំងំលាក់ខ្លួនរកស៊ីខុសច្បាប់បង្កទុក្ខ លំបាកដល់ប្រជាពលរដ្ឋខ្មែរដែលជាជនស្លូតត្រង់។
បញ្ហាមួយទៀត ការជឿទុកចិត្ដគ្នាតាមរយៈអ៊ីនធឺណិត គឺមិនមែនជាប្រការល្អប៉ុន្មានឡើយ។ ប្រជាពលរដ្ឋខ្មែរយើងគ្រប់រូបមុននឹងសម្រេចចិត្តសេពគប់មនុស្សណា ម្នាក់តាមរូបភាពណាក៏ដោយ ត្រូវនឹកឃើញដល់សុភាសិតមួយឃ្លាដែលបានពោលថា “ឈើកោងវល្លិព័ទ្ធមនុស្សខ្ចាត់ភ្លាត់កុំយកខ្លួនបៀត”។
Techno Charity is a charitable organization created in 2006 by engineers graduated from the Institute of Technology of Cambodia.
7 Responses
និយាយពីរឿងជនជាតិស្បែកខ្មៅជួលផ្ទះអញ្ចឹង នៅ apartment ដែលខ្ញុំកំពុងជួលស្នាក់នៅសព្វថ្ងៃទើបតែមានពួកជនជាតិស្បែកខ្មៅរើចូលមកជួលនៅ គឺនៅជាន់ជាមួយខ្ញុំដែរ ។ ពួកនោះនិយាយគ្នា និង សើចលឺខ្លាំងៗណាស់ ។ ពេលជិះជណ្ដើរយន្តជាមួយពួកនោះម្ដងៗ ខ្ញុំបើកញើសជោគរាល់តែដង ។ ជួនកាលបើឃើញពួកហ្នុងក្នុងជណ្ដើរយន្ត ខ្ញុំសុខចិត្តចុះជណ្ដើរជើងវិញ ល្អជាង ។ មិនហ៊ានទៅក្បែរទេ បើវាឃើញយើងហៅសុទ្ធ “hi baby. how’re you” ។ លេងហៅយើង baby មើលតែស្គាល់គ្នាពីឆ្នាំណាមកអញ្ចឹង ។ អត់លេងជាមួយពួកបងៗហ្នុងទេ ។
នៅអាគារខ្ញុំនៅមានពួកនេះដែរតែមើលទៅដូចជាចេះគួរសមជាមួយយើងដូចពួកបារាំងដែរគឺគ្រាន់បើជាងពួកឥស្លាម។ ប្រហែលមកពីពួកគេជានិស្សិតក៏មិនដឹង!? តែអ៊ំម្នាក់ដែលខ្ញុំស្គាល់ គាត់ថាពេលពួកស្បែកខ្មៅនេះមក នៅអាគាររបស់កាត់កាន់តែច្រើនឡើង ពួកបារាំងនាំគ្នារើផ្ទះពីទីនោះអស់ហើយ ពួកនោះចូលចិត្តអាឡេអាឡូធ្វើឬកដូចជនពាលអីចឹង។ សូម្បីតែនៅស្រុកយើង ពួកខ្មៅហន្ឹងចង់មកជួលផ្ទះខ្ញុំ តែមិនព្រមកក់លុយទេ ខ្ញុំមិនខ្ចីជួលអោយទេ…ខ្លាចបោកណាស់!!
ព្រោះតែល្បងស្បែកខ្មៅអស់ហ្នឹងហើយ ទើបខ្ញុំត្រូវបង្ខំចិត្តរត់ចោលអន្តេវាសិកដ្ឋាន ជាពិសេសក្រុមល្បងមកពី អេត្យូពី ហ្នឹងម៉ង…អន់ចរឹកអស់ទាស់!
ពួកខ្មៅណឹងភាគច្រើនអន់ចរឹក តែក៏មានអ្នកល្អដែរ។ ចំណែកពួកចាមក៏ចឹងដែរ មានអ្នកល្អដែរតើ។ តែខ្ញុំពួកណាក៏ដោយ បើមិនស្គាល់ប្រភពទេ មិនរាប់អាន មិននិយាយចូលដាច់ខាត ហេហេ។
ម៉េចបានដល់ថ្នាក់រត់ចោលអន្តេវាសិកដ្ឋាន វឌ្ឍនា?
ត្រូវហើយ បើមិនស្កាល់កុំនិយាយចូលប្រសើរជាង។
ខ្ញុំនៅនេះមានពួកម៉ាកខ្មៅពីរបីនាក់ដើរតើហ តែពួកវាមើលទៅល្អណាស់ រួសរាយរាក់ទាក់យើងណាស់