ស្ថានទូតសហរដ្ឋអាមេរិកប្រចាំកម្ពុជា កាលពីថ្ងៃ២៥ កុម្ភៈ បានចេញសេចក្ដីប្រកាសព័ត៌មានឲ្យដឹងថា ក្នុងពេលឆាប់ៗខាងមុខនេះ ស្ថានទូតសហរដ្ឋអាមេរិកប្រចាំនៅកម្ពុជា នឹងចាប់ផ្ដើមតម្រូវឲ្យមានការដាក់ពាក្យសុំទិដ្ឋាការមិនមែន អន្តោប្រវេសន៍តាមប្រព័ន្ធអ៊ីនធឺណិត (Internet) តាមទម្រង់ DS-160 ដែលត្រូវបានបង្កើតថ្មី។ របៀបដាក់ពាក្យថ្មីនេះបញ្ចូលរបៀបដែលមានមកហើយទាំងអស់ក្នុងការ ដាក់ពាក្យសុំទិដ្ឋាការមិនមែនអន្តោប្រវេសន៍ទៅក្នុងទម្រង់មួយតាម ប្រព័ន្ធអ៊ីនធឺណិត។
ចំពោះការណាត់សម្ភាសន៍ផ្នែកទិដ្ឋាការមិនមែនអន្តោប្រវេសន៍ទាំងអស់ ចាប់ពីថ្ងៃទី១៥ មីនា ឆ្នាំ២០១០ ទៅ អ្នកដាក់ពាក្យសុំទិដ្ឋាការត្រូវបំពេញទម្រង់ DS-160 ដែលនឹងមានតាមអ៊ីនធឺណិតចាប់ពីថ្ងៃទី២៤ កុម្ភៈ ឆ្នាំ២០១០។ អ្នកដាក់ពាក្យសុំទិដ្ឋាការខ្លះ រួមទាំងសិស្ស និស្សិត អ្នកធ្វើទស្សនកិច្ចផ្លាស់ប្ដូរអ្នកធ្វើការងារសាសនា អ្នកការទូត និងមន្ត្រីរដ្ឋាភិបាលដទៃទៀត ត្រូវតែចាប់ផ្ដើមប្រើទម្រង់ពាក្យសុំទិដ្ឋាការថ្មីប្រភេទ DS-160 ចាប់ពីថ្ងៃទី១ មីនា ឆ្នាំ២០១០ ទៅ។ ការសុំទិដ្ឋាការចូលសហរដ្ឋអាមេរិកនៅតែបន្តមានចំនួនកើនឡើងនៅ ទូទាំងពិភពលោក ហើយក្រសួងការបរទេសសហរដ្ឋអាមេរិកត្រូវដាក់ឲ្យប្រើនូវបច្ចេកវិទ្យា ថ្មីៗ ដើម្បីបង្កើនប្រសិទ្ធភាព និងភាពច្បាស់លាស់នៃដំណើរការដាក់ពាក្យសុំទិដ្ឋាការនេះ។ ទម្រង់ពាក្យសុំទិដ្ឋាការមិនមែនអន្តោប្រវេសន៍ DS-160 ប្រើប្រាស់អត្ថប្រយោជន៍បច្ចេកវិទ្យាថ្មីៗ និងធ្វើឲ្យយើងអាចផ្ដល់សេវាដល់អ្នកដាក់ពាក្យសុំទិដ្ឋាការបាន ប្រសើរជាងមុន។
អ្នកដាក់ពាក្យសុំទិដ្ឋាការនៅតែបន្តបំពេញទម្រង់ពាក្យសុំតាម អ៊ីនធឺណិតដដែល ដូចដែលគេបានធ្វើកន្លងមកជាមួយនឹងទម្រង់ពាក្យសុំទិដ្ឋាការតាម ប្រព័ន្ធអេឡិចត្រូនិក។ តែជាមួយនឹងទម្រង់ថ្មី អ្នកដាក់ពាក្យសុំត្រូវបញ្ចូលរូបថតសុំទិដ្ឋាការមួយសន្លឹកចូល ក្នុងអ៊ីនធឺណិត ហើយផ្ញើទម្រង់ពាក្យសុំនោះតាមប្រព័ន្ធអ៊ីនធឺណិត។ នៅពេលបំពេញទម្រង់ DS-160 ចប់ហើយ អ្នកដាក់ពាក្យសុំត្រូវព្រីនទំព័របញ្ជាក់ (Confirmation page) មួយសន្លឹក។
ទម្រង់ពាក្យសុំប្រភេទ DS-160 ថ្មី អាចជួយយើងក្នុងការប្រមូលព័ត៌មានចាំបាច់បានត្រឹមត្រូវនៅលើក ដំបូង។ ការធ្វើការស្ទាបស្ទង់មតិស្ដីពីសេវាអតិថិជនតាមស្ថានទូតនានារបស់ យើង ដែលសាកល្បងប្រើទម្រង់ពាក្យសុំប្រភេទ DS-160 បង្ហាញឲ្យឃើញថា អ្នកដាក់ពាក្យសុំមានការពេញចិត្តច្រើនជាមួយនឹងទម្រង់ថ្មី DS-160 ជាងទម្រង់ចាស់ដែលវាត្រូវចូលជំនួស។ ដោយសារទម្រង់នេះជាទម្រង់តាមអ៊ីនធឺណិត គេអាចកែលំអ និងកែប្រែបានតាមការចាំបាច់។ ក្នុងពេលអនាគតគេអាចធ្វើការត្រួតពិនិត្យពាក្យសុំរបស់អ្នកដាក់ មុនពេលអ្នកដាក់ពាក្យនោះចូលមកធ្វើសម្ភាសន៍ ដែលនេះអាចជួយកាត់បន្ថយភាពយឺតយ៉ាវក្នុងដំណើរការត្រួតពិនិត្យបាន យ៉ាងច្រើន។
ការបង់លុយ និងដំណើរការកំណត់ពេលវេលាសម្រាប់អ្នកដាក់ពាក្យសុំមិនមានការ ប្រែប្រួលអ្វីទេ។ ចំពោះព័ត៌មានបន្ថែមទាក់ទងនឹងទម្រង់ថ្មីនេះ សូមបើកមើលគេហទំព័រដែលមានអាសយដ្ឋាន http://combodia.usembassy.gov៕
ដកស្រង់ពី៖ វិបផតថលស្តីអំពីស្ត្រី
Recent Comments Gravatars