ទោចថ្ពាល់លឿងជាទោចដែលជិតផុតពូជហើយនៅពិភពលោក។ ទោចថ្ពាល់លឿងត្រូវបានគេចុះក្នុងបញ្ជីក្រហមរបស់អង្គការ IUCN។ ប៉ុន្តែទោចថ្ពាល់លឿងកំពុងតែមានវត្តមានយ៉ាងច្រើននៅលើទឹកដីនៃប្រទេសកម្ពុជាយើង ពិសេសគឺនៅតំបន់អភិរក្សវ៉ឺនសៃ ដែលជាតំបន់អភិរក្សដោយអង្គការអន្តរជាតិ CI។
អង្គការអភិរក្សអន្តរជាតិដែលឧបត្ថម្ភដោយសហរដ្ឋអាមេរិច បានធ្វើការអភិរក្សនៅវ៉ឺនសៃតាំងពីចុងឆ្នាំ ២០០៦មកម៉្លេះ។ តំបន់អភិរក្សវ៉ឺនសៃ មិនទាន់មានសេចក្តីប្រកាស រឺ ព្រះរាជក្រឹត្រអ្វីនៅឡើយទេ។ តំបន់នេះ គ្របដណ្តប់ដោយផ្ទៃដីជាង ៥៦០០០ ហិចតា មានទីតាំងនៅភាគខាងកើតទន្លេមេគង្គ ស្ថិតនៅក្នុងខេត្ត២ គឺស្រុកវ៉ឺសៃ ខេត្តរតនគីរី និង ស្រុកសៀមប៉ាងក្នុងខេត្តស្ទឹងត្រែងគឺស្ថិតក្នុងឧទ្យានជាតិវីរជ័យ។ តំបន់នេះជាតំបន់ដែលទោចថ្ពាល់លឿងរស់នៅច្រើនជាងគេបំផុតក្នុងប្រទេសកម្ពុជា។
Recent Comments Gravatars