Elton John ថាព្រះយេស៊ូជា ហ្គេយ

តារាចំរៀងប៉ុប ហើយជាហ្គេយ បាននិយាយក្នុងបទសម្ភាសន៍មួយជាមួយទស្សនាវដ្ដី Parade កាលពីថ្ងៃសុក្រទី១៩ កុម្ភៈ នេះថា ព្រះយេស៊ូគ្រីសជា ហ្គេយ។

លោកចន បាននិយាយថា “ខ្ញុំគិតថា យេស៊ូជាក្ដីមេត្តាករុណា ជាហ្គេយដែលមានបញ្ញាលើសគេ ដែលយល់បញ្ហារបស់មនុស្ស។ នៅលើឈើឆ្កាង ព្រះអង្គបានអភ័យទោសអ្នកដែលបានឆ្កាងព្រះអង្គ។ យេស៊ូ ចង់អោយយើងចេះស្រលាញ់ និងចេះអភ័យទោស។ ខ្ញុំមិនដឹងថា ហេតុអ្វីក៏មនុស្សឃោរឃៅបែបនេះទេ។ ធ្វើខ្លួនជាស្រីស្រលាញ់ភេទដូចគ្នានៅមជ្ឃឹមបូព៌ា គឺដូចយកខ្លួនទៅងាប់អញ្ចឹង”។

លោក Bill Donohue ប្រធានរបស់ក្រុមអ្នកកាន់សាសនាកាតូលិចនៅអាមេរិច Catholic League បាននិយាយថ្កោលទោសមតិរបស់ចនថា “ព្រះយេស៊ូប្រកបដោយមេត្តាករុណាមែន ប៉ុន្តែការដែលនិយាយថាព្រះអង្គជាបុគ្គលប្រកបដោយបញ្ញាលើសគេ គឺប្រៀបដូចជាប្រៀបធៀបកូនរបស់ព្រះទៅនឹងអ្នកដែលឈ្នះក្នុងការប្រកួតមួយតាមទូរទស្សន៍អញ្ចឹង។ អាក្រក់ជាងនេះទៅទៀត ចាត់ទុកព្រះយេស៊ូថាជាបុគ្គលអូម៉ូសិច (សមលិង្គកាម) គឺដូចជាចាត់ទុកថាព្រះអង្គមានបញ្ហាផ្លូវភេទដែរ។ ប៉ុន្តែតើយើងរំពឹងអ្វីផ្សេងទៀតពីមនុស្សម្នាក់ដែលកាលពីមុនបាននិយាយថា -តាមទស្សនៈរបស់ខ្ញុំ ខ្ញុំចង់បំបាត់សាសនាចោលទាំងអស់-”។

កាលពីឆ្នាំ២០០៦ លោកElton John បាននិយាយក្នុងបទសម្ភាសន៍ជាមួយ កាសែត Observer ថា

“ខ្ញុំគិតថា សាសនាតែងតែបង្កើតអោយមានការស្អប់ខ្ពើមប្រឆាំងនឹងក្រុមមនុស្សហ្គេយ។ សាសនាជំរុញអោយមានការស្អប់ខ្ពើមប្រឆាំងនឹងហ្គេយ។ តែខ្ញុំស្គាល់មនុស្សជាច្រើនដែលជាហ្គេយហើយស្រលាញ់សាសនារបស់គេ។ តាមទស្សនៈរបស់ខ្ញុំ ខ្ញុំចង់បំបាត់សាសនាចោលទាំងអស់។ អង្គការសាសនាមើលទៅមិនអាចធ្វើអ្វីកើតនោះទេ។ គឺបានតែនាំមនុស្សអោយក្លាយជាកូនទន្សាយគួរអោយស្អប់និងគ្មានមេត្តាធម៌”។

Source:
- Jesus was ‘gay:’ Elton John, AFP

Be Sociable, Share!