Facebook ក្លាយ​ជា​ម្ចាស់​កម្មសិទ្ធិ update feed លើ social networking

ម៉េច ក៏​អាមេរិក មិនមែន អាមេរិច អញ្ចឹង?

ខ្ញុំមិន​ហ៊ាន​ថា មួយណា​ខុស មួយណា​ត្រូវទេ។

ក្នុង​វចនានុក្រម​ខ្មែរសម្ដេចជួនណាត សរសេរថា៖ អាម៉េរិក គឺមាន ៉ ​លើ ម ថែមទៀត។

សទ្ទានុក្រមបារាំងខ្មែរ ខេមរយានកម្មសរសេរ អាមេរិច ។ អត់​ប្រើ ៉ ហើយប្រកប​ជាមួយ ច។

វ៉ិបសាយ​អាស៊ីសេរី ទូតអាមេរិច… គេសរសេរ អាមេរិក ។

ខ្ញុំ​គិតទៅ​ឃើញ​ថា សរសេរតាម ខេមរយានកម្ម សមគួរ​ជាង​គេ។ យើងមិនបាច់ដាក់ ៉ លើ ម ជា អាម៉េ ទេ ព្រោះសូរស្រដៀងគ្នា នឹង អាមេ រួចស្រេចទៅហើយ។

ហើយពាក្យ ខាងចុង រិច និង រិក ខ្ញុំ​គិតថា រិក ស្រដៀងនឹងសូរដើម americ ជាង តែខ្មែរ​យើង​ច្រើនបញ្ចេញ​សូរជា រិច ជាង។

ក្នុង​សទ្ទានុក្រម​ខេមរយានកម្មគេសរសេរថា៖

Americain : អាមេរីកាំង

Amerique : អាមេរិច

បើ​ប្រៀបធៀបនឹងភាសាបារាំង គឺ​មាន​លក្ខណៈ​ដូចគ្នា មានន័យ​ថា ម្ដង​ប្រើ -que ម្ដង -cain ។ ដូច្នេះ​ភាសាគេ គេ​មិន​ទើស​ទាល់​អ្វីទេ ពេល​ម្ដង​ប្រើ -que ម្ដង -cain នោះ។ តែ​នេះ​ជា​ភាសា​គេ មិនមែនភាសា​យើង​ទេ។

ចំពោះ ពាក្យ អាមេរិក វិញ ខ្ញុំគិតថា យើងមិនគួរសរសេរ រិក នោះព្រោះ រិក អានមិន​ចេញ រិច ដូចសំដី​ខ្មែរយើង​សោះឡើយ។ ដូចជា សមាជិក មិគសិរ សៀវភៅសិក្ខាគារិក ។ល។គឺអ៊ិក អានចេញ អ៊ឹក មិនមានចេញ​ អ៊ិច ទេ។

ដូច្នេះ យើងគួររក្សាក្បួនខ្នាត​សរសេរនិងអាន​របស់យើង មិនគួរអោយភាសា​គេ​មកកែភាសា​ខ្មែរ បែបនេះទេ។

​

ខ្ញុំ​សុំ​បន្ថែមបន្តិចថា អ្នក​ប្រាជ្ញ​ខាង​សំស្ក្រឹត គេ​សរសេរថា america-អាមេរិកា; american- អាមេរិកាទេសីយៈ ។ គឺសរសេរប្រើ -រិក- ។