លោក Sepp Blatter ប្រធានFIFA បាននិយាយកាលពីថ្ងៃចន្ទនេះថា ក្រុមអៀរឡង់ដ៍បានតវ៉ាសុំក្លាយជាក្រុមទី៣៣ក្នុងការប្រកួតWorld Cup ដែលរៀបចំដោយ FIFA នៅអាព្រិច។
ក្រុមកីឡាករអៀរឡង់ដ៍មានការខឹងសំបារជាខ្លាំងបន្ទាប់ពីពួកគេធ្លាក់មិនបានទៅប្រកួត World Cup នៅអាព្រិច ដោយសារតែមេក្រុមបារាំងThierry Henry បានប្រើវិធីសាស្ត្រដៃកង្កែបដើម្បីទប់បាល់ ក្នុងការប្រកួតជំរុះបារាំងអៀរឡង់ដ៍។
លោក Blatter បានអោយដឹងថា “តំនាងសមាគមបាល់ទាត់អៀរឡង់ដ៍ បានមកដល់ទីស្នាក់ការ FIFA ដោយមិនសប្បាយចិត្តនឹងអ្វីដែលបានកើតឡើង។ ពួកគេទទួលស្គាល់ថាការប្រកួតមិនអាចលេងម្តងទៀតបានទេ។ ”
“ជាចុងក្រោយពួកគេបានសុំថា តើអាចអោយពួកយើងក្លាយជាក្រុមទី៣៣ក្នុងWorld Cup បានរឺអត់?”
ក្នុងការប្រកួតជំរុះបារាំងអៀរឡង់ដ៍ ក្រុមទាំងពីររកបានគ្រាប់បាល់ 1-1 ដែលក្នុងនោះបាល់មួយគ្រាប់ចុងក្រោយ ហង់រីបានប្រើដៃទប់ រួចបញ្ជូនទៅអោយ William Gallas ជាអ្នកស៊ុតបញ្ចូលទី។
Recent Comments Gravatars