យោងតាមប្រភពព័ត៌មានក្នុងស្រុកនិងក្រៅស្រុកដែលមានទំនាក់ទំនងជិតស្និទ្ធជាមួយនឹងនាងខៀវ សានសាណាបានអោយដឹងថា អតីតពិធីការិនីដ៏មានវោហាររបស់ស្ថានីយ៍ទូរទស្សន៍CTN រូបនេះបានរៀបការរួចហើយនៅប្រទេសកាណាដា កាលពីចុងឆ្នាំ២០០៩។ ស្វាមីរបស់នាងគឺជាជនជាតិកាណាដា មានវ័យជាង៤០ឆ្នាំ ដែលបច្ចុប្បន្នមានមុខរបរជាសាស្ត្រាចារ្យលើទឹកដីនៃទ្វីបអាមេរិចមួយនេះ។
អតីតពិធីការិនីរបស់ស្ថានីយ៍ទូរទស្សន៍CTN ក្នុងវ័យ២៦ឆ្នាំរូបនេះបានចាកចេញទៅកាន់ប្រទេសកាណាដាកាលពីដើមខែវិច្ឆិកា ឆ្នាំ២០០៩ ជិត២ខែបន្ទាប់ពីលាឈប់ពីស្ថានីយ៍ទូរទស្សន៍CTN។ ក្នុងការធ្វើដំណើរនេះ នាងបានអះអាងប្រាប់អ្នកសារព័ត៌មានថា នាងទៅបន្តការសិក្សា។ ស្របពេលជាមួយគ្នានេះ លោកខៀវ កូឡា ដែលជាឪពុកបង្កើតរបស់នាងបានបន្ថែមថា លោកជាអ្នកឧបត្ថម្ភថវិកាសំរាប់ការសិក្សារបស់នាង ដែលមានបងប្អូននៅប្រទេសកាណាដាជាអ្នកធានាទៅ។ ប៉ុន្តែព័ត៌មាននេះវាផ្ទុយពីព័ត៌មានចុងក្រោយពីដែលជិតស្និទ្ធជាមួយនឹងនាង។ អ្នករស់នៅជិតផ្ទះរបស់នាងនៅឯកាណាដា បានអះអាងថានាពិតជាបានរៀបការរួចហើយ ជាមួយជនជាតិកាណាដា ដែលជាសាស្ត្រាចារ្យថ្នាក់មហាវិទ្យាល័យ និងមានវ័យជាង៤០ឆ្នាំ ហើយការរៀបការនោះធ្វើឡើងបែបសាសនាគ្រិស្ត។
Recent Comments Gravatars