Interlaken ទីកន្លែងដ៏មនោរម្យរបស់ប្រទេសស្វ៊ីស

…

Interlaken ជាឃុំមួយឋិតក្នុងស្រុកInterlaken របស់កង់តុងប៊ែន៌ ប្រទេសស្វ៊ីស។ Interlaken ពីដំបូងមានឈ្មោះថា Aarmühle។ ចាប់ពីឆ្នាំ១៨៩១មកក៏ដូរមកហៅថាinterlaken វិញ។ Interlaken មានបឹង Brienz ឋិតនៅខាងកើត និង បឹងធូន (Thun) ឋិតនៅខាងលិច។ ហេតុដូច្នេះហើយបានជាគេហៅឃុំនេះថា Inter-laken (ចន្លោះ-បឹង)។

សព្វថ្ងៃនេះវិស័យទេសចរណ៍ជាប្រភពចំនូលដ៏សំខាន់សំរាប់តំបន់នេះ។ ជាធម្មតាទេសចរមកទីនេះដើម្បីដើរកំសាន្ត ជិះទូក ជិះខ្លែងហោះ និងលេងស្គី។

ប្រសិនបើលោកអ្នកបានដើរកាត់ភូមិនេះ គង់នឹងមានអារម្មណ៍តែមួយដូចគ្នាថា កន្លែងពិតជាមនោរម្យ ស្ងប់ស្ងាត់ សន្តិភាព គួរអោយស្រលាញ់ ប្រកបដោយសេចក្តីសុខ ….។

ឋិតនៅជាប់មាត់បឹង មានស្ទឹង រឺទន្លេហូរកាត់ មានភ្នំទឹកកកនៅព័ទ្ធជុំវិញ ពពករសាត់កាត់ពាក់កណ្ដាលភ្នំ ពិតជាគួរអោយទាក់ទាញមែន។