.
ក្រៅពីការលែងលះគ្នាទៅតាមផ្លូវច្បាប់នៅចំពោះមុខតុលាការ នៅមានវិធីមួយទទៀតសំរាប់គូស្វាមីដែលមានជីវិតអាពាហ៍ពិពាហ៍មិនចុះសម្រុងនឹងគ្នា។ ប៉ុន្តែដំណោះស្រាយនេះគឺសំរាប់តែប្តីប្រពន្ធដែលមិនចង់រស់នៅជាមួយគ្នាក្រោមដំបូលតែមួយ តែក៏មិនចង់ចូលខ្លួនអោយតុលាការកាត់ក្តីដើម្បីបានសំបុត្រលែងលះមួយដែលស្របច្បាប់។ នៅអាមេរិចបច្ចុប្បន្នមានស្វាមីភរិយាជាច្រើនគូបានចាប់ផ្តើមជ្រើសរើសយកវិធីរស់នៅបែកគ្នា បែកផ្ទះគ្នា រឺរហូតដល់រស់នៅទីក្រុងផ្សេងគ្នាដោយជួបគ្នាតែ២រឺ៣ដងក្នុងមួយឆ្នាំក្នុងករណីចាំបាច់តែប៉ុណ្ណោះ។ វិធីនេះអាចកាត់បន្ថយភាពតានតឹងក្នុងការរស់នៅជាមួយគ្នា ដែលអាចឈានទៅដល់ជម្លោះបែកផ្សែង ហើយប្រហែលជានឹងអាចមានផ្លូវចុះសម្រុងនឹងគ្នាវិញក៏ថាបានដែរ។ ប្តីប្រពន្ធមិនតិចគូទេដែលនៅពេលលែងលះគ្នាចំពោះមុខច្បាប់ហើយ ក៏ត្រលប់មកត្រូវរ៉ូវគ្នាវិញ។ នេះបញ្ជាក់ថានៅពេលដែលទោមនស្សនឹងគ្នា ការសំរេចចិត្តណាមួយដោយតក់ក្រហល់គឺមិនត្រឹមត្រូវទេ។ ជួនកាលពួកគេទាំងពីគ្រាន់តែត្រូវការពេលវេលាស្ងប់ស្ងាត់រៀងខ្លួនមួយរយៈប៉ុណ្ណោះ។
ចំពោះកូនៗ ប្រហែលជាពួកគេធំៗអស់ហើយ ហើយប្រហែលជាបែកផ្ទះអស់រៀងៗខ្លួនផង ដូច្នេះមិនចាំបាច់ប្រឈមមុខគ្នាចំពោះមុខច្បាប់ដើម្បីទាមទាពួកគេឡើយ។ ហើយក៏ប្រហែលជាអ្នកមិនទាន់ត្រូវការរកអ្នកថ្មីភ្លាមៗដែរមើលទៅ!!
នៅប្រទេសមួយចំនួន មានគេអាចយកចំណេញពីការរក្សាអាពាហ៍ពិពាហ៍ស្របច្បាប់នេះជាច្រើន ដូចជាថ្លៃបង់ពន្ធ ថ្លៃសាវាសុខភាពជាដើម។
មានអ្នកល្បីមួយចំនួនបានជ្រើសរើសយកដំណោះស្រាយនេះ ដូចជា មហាសេដ្ឋី Warren Buffet និង អ្នកសិល្បៈ William de Kooning ៕
Recent Comments Gravatars