វិធីដែលសារព័ត៌មានបង្វិលក្បាលរបស់អ្នក

រូបទាំងបីខាងលើនេះ គេកាត់ចេញមកពីស្ថានការណ៍តែមួយ តែទៅតាមរូបនីមួយៗ អ្នកអាចយល់ឃើញខុសៗគ្នា។ បើគេយករូបទីមួយទៅផ្សាយ អ្នកនឹងយល់ន័យផ្សេង បើអ្នកមើលតែរូបទីពីរអ្នកនឹងយល់ន័យមួយបែបទៀត។ ដូច្នេះហើយអ្វីដែលយើងឃើញ ដែលជាអ្វីដែលគេចង់ឱ្យយើងឃើញនោះ មិនអាចបញ្ជាក់ពីការពិតបានទេ។

របៀបសរសេរកាន់ជើងក្រុមម្ខាង បង្ខូចក្រុមម្ខាងទៀត អាចនៅមានបច្ចេកទេសច្រើនជាងនេះទៀត។

ឧទាហរណ៍៖ បើគេចង់សរសេរថាអាមេរិចខូច ចិនល្អ គេនឹងខំសរសេរលើកយកចំណុចចអាក្រក់របស់អាមេរិចដែលបានធ្វើកន្លងមក ហើយលើកយកចំណុចល្អៗរបស់ចិន។ នរណាក៏មានចំណុចអាក្រក់និងចំណុចល្អដែរ។

ឧទាហរណ៍៖ ប្រៀបធៀបទីក្រុងពីរ។ បើគេចង់កាន់ជើងក្រុង ក បង្អាប់ក្រុង ខ នោះគេនឹងលើកយកកន្លែងស្អាតបំផុតរបស់ក្រុង ក មកប្រៀបធៀបនឹង កន្លែងគគ្រិចបំផុតរបស់ក្រុង ខ។ ឬមួយនិយាយថា ក្រុងខ គ្មានអីគ្រាន់បើជាងក្រុងក ទេ មានកន្លែងគគ្រិចដូចតែគ្នា។ល។

មនុស្សគឺទន់ខ្សោយបែបនេះឯង គ្រាន់តែគេបំភាន់បន្តិច យើងចាញ់បោកគេភ្លាម។ ដូច្នេះមុននឹងជឿនរណាម្នាក់ យើងគួរទាមទារឱ្យអ្នកដែលនិយាយអូសទាញយើង ឬស្វែងរកលើកចំណុចអាក្រក់ទាំងសង្ខាងឱ្យបានច្រើនបំផុត ដើម្បីមកប្រៀបធៀបគ្នា។

- បើគេនិយាយថា ក អាក្រក់។ អ្នកគួរសួរគេវិញថា តើ ខ អាក្រក់ដែរទេ?

- បើគេនិយាយ នាយនេះប្រឆាំងលោកនាយកផ្កាប់មុខតែម្ដង? អ្នកគួរសួរថា ចុះអ្នកវិញ រណប ឬ អែបអប លោកនាយកផ្កាប់មុខដែរឬទេ?

….

បើនៅមានបច្ចេកទេសផ្សេងទៀត សូមអ្នកអានជួយបន្ថែម