ដំណើរ​ឡើងភ្នំឱរ៉ាល់រយៈពេល២យប់​៣ថ្ងៃ

DSC_1762

២០កុម្ភៈ ២០១៦

ខ្ញុំក្រោក​តាំង​ពីម៉ោង​៤ភ្លឺ ដើម្បីរៀបចំចំអិនម្ហូប និង​ដាំ​បាយយក​ទៅ​ភ្នំ ព្រោះត្រូវ​ចេញ​ពី​ផ្ទះ​ដើម្បី​ទៅចាំ​រថយន្ត​នូវ​ម៉ោង ៥និង៤៥នាទី។ ម្ហូប ដែល​ខ្ញុំ​ត្រៀមយក​ទៅ​សាច់​គោ​ងៀតដែលប្តីខ្ញុំ​ប្រលាក់​ត្រៀមទុកតាំង​ពី​អាទិត្យមុន​ អាំង​ឆ្អិន​​ជាស្រេច​មួយ​ប្រអប់​ធំ​គួរសម ពងទាស្ងោរ ៥ ឆៃប៉ូវមួយ​ប្រអប់​តូច និងបាយមួយឆ្នាំង​តូច។ ក្រៅ​ពីនេះមាន​នំប៉័ងជ្រុងកន្លះ​ដើម ដំណាប់​ស្ត្រប៊ែរី១កែវតូច មី៤កំប៉ុង មីកណ្ចប់៣​កញ្ចប់ ប៉ោម២ផ្លែ នំផ្អែម ស្ករគ្រាប់ កូកាកូឡា២កំប៉ុង និង​ទឹកសុទ្ធ៤ដបតូច។ របស់របរ​ប្រើប្រាស់​ផ្ទាល់​ខ្លួន បន្តិចបន្តួច​ សំលៀកបំពាក់​ម្នាក់​តែ​២​សំរាប់ ក្រមា និង អង្រឹងម្នាក់មួយ​និង​ចំណី​អាហារ​ដូច​រៀប​រាប់​ខាងលើ ខ្ញុំបាន​រៀប​ចំដាក់​ក្នុង​កាបូបស្ពាយខ្នង​ម្នាក់​មួយនិង​ចែករំលែក​បាន​យ៉ាង​ស្មើគ្នា​ល្អណាស់។ ខ្ញុំនិងវិចិត្រ(ប្តីខ្ញុំ)បានចេញ​ពីផ្ទះ​តាម​ម៉ោង​កំណត់ ដោយ​មាន​ម៉ូតូ​ឌុប​ម៉ូយ​ប្រចាំ​របស់​ម្តាយ​ខ្ញុំ​ជា​អ្នក​មក​ឌុប​ពួក​យើងទៅ​កន្លែង​ចាំ​រថយន្ត។ ម៉ោង​ជិត​៧​ព្រឹក ទើប​ពួកយើងបាន​ឡើង​រថយន្ត​ចេញពី​ភ្នំពេញ​។

អ្នក​ចូល​រួម​ឡើង​ភ្នំឱរ៉ាល់មាន​គ្នាសរុប ១០នាក់ ​ស្រី៥នាក់ ប្រុស៥នាក់ ក្នុង​នោះមានស្រីបារាំង​ម្នាក់ ប្រុស​បារាំង​ម្នាក់។ ក្រៅពីខ្ញុំនិង​ប្តីខ្ញុំ អ្នកឡើងភ្នំសុទ្ធតែ​ជាអ្នករួមការងារជាមួយ​ប្អូនថ្លៃស្រី​របស់​ខ្ញុំទាំង​អស់។ រថយន្ត​បោះពួយ​យ៉ាង​លឿន​ ចំណាយ​ពេល​តែជាងមួយម៉ោងក៏មកដល់ផ្លូវប​ត់ចូល​ភូមិ​ស្រែកិន ក្នុង​ស្រុក​ឱរ៉ាល់។ គ្រាន់តែ​បត់​ចេញ​ពី​ផ្លូវ​ជាតិ​ភ្លាម ផ្លូវ​ចូល​ភូមិហុយទ្រលោម ហើយ​គ្រលុក​ធំ​និ​ង​​ជ្រៅជាងរណ្តៅ​ត្រង់​សេ​ទៀត! តែសំណាង​ដែរ​ដោយសារ​រថយន្ត​នោះ ជា​របស់​អង្គការ និ​ងធ្លាប់​បរ​លើផ្លូវ​បែប​នេះ​ពីមុន​មក​ ទើប​ពួក​យើង​ពុំ​មាន​ជួប​បញ្ហារថយន្តជាប់​ផុងទេ! យើង​បាន​មក​ដល់​ផ្ទះ​មេ​ភូមិនូវ​ម៉ោង​៩និង​៣០នាទី​ព្រឹក។ ទៅ​ដល់​ទីនោះ មេភូមិ​បាន​ណែនាំ​អ្នកនាំ​ផ្លូវ​ម្នាក់ តែ​ពួក​យើង​មូល​មតិ​គ្នា​មិន​យក ដោយ​សារ បារាំង​ដែល​មក​ជាមួយយើងនោះ គាត់​ធ្លាប់​ឡើង​ភ្នំ​នេះ​កាល​ពី​មួយ​ខែ​មុន។ ដើម្បី​ធ្វើ​ដំណើរ​ដល់​ជើង​ភ្នំ យើង​បាន​ជួល​គោយន្តមួយ​ជិះ​ទាំង​អស់​គ្នា។ ពីផ្ទះ​មេភូមិ​ដល់​​ជើង​​ភ្នំ គេ​យក​ថ្លៃ ១២០០០០រៀល។ ជិះគោយន្ត​ជិត​២​ម៉ោង​ទើប​ដល់​គោលដៅ! ផ្លូវមហា​សែន​ពិបាក​! មិន​អាច​ស្រមៃ​ឃើញ​ទេ​ បើ​មិនបាន​ឃើញ​ផ្ទាល់​ភ្នែក ពិត​ជា​ហួសការស្មាន​មែន។ គេ​ហៅ​ថាគោ ពិតជា​មិន​ខុសមែន! វា​ប្រើម៉ាស៊ីនមែន តែ​ល្បឿនមិន​លើស​ពី គោ​ឡើយ ហើយឈឺ​គូថ​ទៀត​ព្រោះ ២​ម៉ោង លើ​បន្ទះ​​ឈើ រួច​ផ្លូវរលាក់​ទៀត គ្មាន​វាចារនឹង​ថ្លែង​ទេ! កន្លែង​ខ្លះ​ត្រូវ​ចុះ​ដើរហើយជួយរុញទៀត។ ផ្លូវចូល​ទៅ​ចង្អៀត​ ដូច្នេះ​ត្រូវ​ប្រយ័ត្នជានិច្ច ព្រោះព្រៃ​ឫស្សីដុះតាម​ផ្លូវ​យ៉ាង​ទ្រុបទ្រុល។

ពេល​ជិះ​គោយន្ត​ដល់​ជើង​ភ្នំ ខ្ញុំ​អស់​កំលាំង​រលីង ចេះ​តែ​គិត​ថា​ត្រូវ​ឡើងភ្នំឬមិនឡើង បើហត់​តាំង​ពី ជើង​ភ្នំទៅ​ហើយ។ តាម​ពិត​ដោយ​សារ​ម៉ោង​ជិត​ ១រសៀល​ទៅហើយ មិន​ទាន់​បាន​ញ៉ាំបាយ​ទើប​បាន​ជា​ហេវហត់​យ៉ាង​នេះ។ ពេល​មក​ដល់​គោល​ដៅ អ្នក​បើក​គោយន្ត​ចិត្ត​ល្អ បាន​នាំ​ពួក​យើង​មក​កន្លែង​មានទឹក គឺជាទឹក​ជ្រោះ​! ពិត​ជា​ល្អ​ស្អាត​មែន។ យើង​នាំ​គ្នា​ហូប​បាយនៅ​ទីនោះ។ សំណាង​ដែរ ដែល​ខ្ញុំ​មាន​​បាយ​ឆ្អិន​ស្រាប់ដល់​ទៅ​មួយ​ឆ្នាំង។ យើងទាំង​អស់​គ្នា ទាំង​អ្នក​បើក​គោយន្តញ៉ាំ​បាយ​មួយ​ឆ្នាំង​តូច​នោះមិន​ទាំង​អស់​ផង! ញ៉ាំរួច​មិន​បាន​សំរាក​ទេត្រូវ​ចាប់​ផ្តើម​ដើរ​ឡើងភ្នំ​ទៅ​ដំណាក់​ទីមួយភ្លាម ព្រោះ​ខ្លាច​​មិន​ដល់​គោល​ដៅ​មុន​ពេល​មេឃ​ងងឹត។ នៅ​តាម​ជើង​ភ្នំ​នោះ​ពោរ​ពេញ​ទៅ​ដោយ​ផ្សែង​ដោយសារឆេះ​កូនឈើ ឫស្សី និង​ស្លឹក​ឈើ​ស្ងួត និង​សំលេង​ម៉ាស៊ីន​រោទិ៍គ្មានឈប់​មួយ​វិនាទី​ណា​ឡើយ។ ខ្ញុំ​មាន​អារម្មណ៍តាន​តឹង ស្ងួតខ្លាំងក្នុងបំពង់ក​ដោយ​សារ​​​ពុ​ល​នឹង​ផ្សែង​នោះ។ ផ្លូវ​ឡើង​ទួល​បន្តិចម្តងៗ ដើរ​បាន​បន្តិចឈប់ៗ ពិត​ជា​ហត់​ខ្លាំង​ណាស់។ មិន​មែន​តែ​ខ្ញុំ​ទេ​ដែល​អស់​កំលាំងខ្លាំង អ្នក​ផ្សេង​ក៏​អីចឹង​ដែរ លើក​លែង​តែ​​បារាំង​២នាក់​ចេញ។ ពួក​គាត់​មើល​ទៅដូច​បារម្ភនឹង​ពួក​យើង​ណាស់ ហើយ​ទំនង​ជា​គិត​ថា​មិន​ដឹង​ជា​អាច​ឡើង​​ដល់កំពូល​ភ្នំ​រួច​ឬ​អត់ទេ បើ​ដើរ​បាន​តែ​បន្តិច​ ម្នាក់ៗ​ហត់​ម្លឹង​ទៅ​ហើយ។ ប្អូន​ថ្លៃ​ខ្ញុំ ចាប់​ផ្តើម​ជំរុះ​របស់​របរ​ក្នុងកាបូបស្ពាយបណ្តើរៗ​ហើយ។ ពួក​យើង​ចំណាយ​ពេល​​៣​ម៉ោង​ពីជើង​ភ្នំ​ដល់​ដំណាក់​ទី​មួយ។ ទៅដល់​ ខ្ញុំដាក់​គូថ​អង្គុយ​លើ​ដី ដក​ដង្ហើម​ស្ទើរ​មិន​ដល់​គ្នា តែក៏​នឹក​អរក្នុង​ចិត្ត​ដែរ​ព្រោះ​ដល់​​គោ​ល​ដៅ​​ទី​មួយ​ហើយ។ អង្គុយបានបន្តិច រាង​បាត់​ហត់​ហើយ ខ្ញុំ​ក៏​ចាប់​ផ្តើម​បង្កាត់​ភ្លើង​ដាំ​បាយ។ យុទ្ធ​និ​ង​ហេង​ទៅ​លាង​អង្ករ​និង​ដង​ទឹក​យក​មក​ដាំ។ ខ្ញុំ​ដាក់​ដាំ​បាយ​រួច​ក៏ចុះ​ទៅ​មុជ​ទឹក​ជាមួយ​ប្តី​ខ្ញុំ។ ទឹក​ជិតរីង​អស់​ហើយ តែដោយ​សារ​តែ​ទឹកហូរ​រហូត ទោះ​បីចង្អូរទឹក​ហូរ​តិច​តែ​ត្រជាក់​ស្រួល​ណាស់។ ពេល​​បាន​មុជ​ទឹក​រួច ដូចជា​មានកំលាំង​ឡើង​វិញ​ពេញ​ខ្លួនតែ​ម្តង។ មុជ​ទឹកគ្រប់​គ្នា​​រួចរាល់​ហើយ​បាយនិង​ម្ហូប​ឆ្អិន​​ល្មម ទឹក​ក៏​ពុះ​ពីរ​កំសៀវ​ដែរ ។ ប្តីនិងប្អូន​ថ្លៃ​ខ្ញុំ​ចង​អង្រឹង​រួច​ជា​ស្រេច។ ខ្ញុំនិង​មិត្ត​ភក្តិផ្សេង​ទៀត​រៀប​បាយ។ យើង​ញ៉ាំ​បាយ​ជុំ​គ្នា​យ៉ាង​សប្បាយរីករាយ។ រួច​រាល់​ហើយ​​ ខ្ញុំច្រក​ទឹក​ដែល​ត្រជាក់ដាក់​បំពេញ​ដប​ទាំង​អស់​សំរាប់​ថ្ងៃ​ស្អែក និង​ដាក់​ដាំ​ថែមទៀតរហូត​ដល់​មេឃ​ងងឹត​។ សំលេង​ម៉ាស៊ីនដែល ​រោទិ៍រំពង​ព្រៃក៏ស្ងាត់ទៅ​ដែរ​ដោយ​ឥទ្ធិពល​​នៃ​ភាព​អន្ធការ។ម៉ោង​មិន​ទាន់​៧យប់​ស្រួល​បួល​ផង យើងនាំ​គ្នា​ចូល​​ក្នុង​​អង្រឹង​រៀង​ៗ​ខ្លួន​រួច​សំងំ​គេង​យកកំលាំង​បន្ត​ដំណើរ​ស្អែក​ទៀត។ បឺន័រ ប្រុស​បារាំង​ដែល​ទៅ​ជា​មួយ​​យើង គាត់​បាន​និយាយ​ថា ផ្លូវ​ថ្ងៃ​ស្អែក​ពិបាក ហើយ​វែង​ឆ្ងាយជាង​ថ្ងៃ​នេះប្រាំពីរដង​ឯណោះ ដូច្នេះ​​យើង​​ត្រូវ​​ខំ​​ប្រឹ​ង​អោយ​​ខ្លាំង​ជាង​ថ្ងៃ​នេះទើបបាន បើ​មិន​ដូច្នោះ​ទេ​មិន​អាច​ឡើងដល់​កំពូលភ្នំ​ឡើយ។ ខ្ញុំ​មិន​ចង់​ស្រមៃ​ពី​ការ​លំបាក​នេះ ក៏​សំងំគេង​ទៅ តែគិត​ថា​បើ​ហត់ខ្លាំង ខ្ញុំមិនឡើង​​ដល់​កំពូលភ្នំ​ទេ ខ្ញុំនឹង​ឈប់​ត្រឹម​ដំណាក់​​ទី​ពីរហើយ។

យប់ឡើង​នៅលើភ្នំ ពិត​ជា​ត្រជាក់​មែន​! ខ្ញុំ​ពាក់​អាវរងារ​ផង ស្រោម​ជើង​ផង ប្រើកន្សែង​ដណ្តប់ផង​ទើបបាន​កក់​ក្តៅ​។ ខ្ញុំគេង​មិន​លក់​សោះ ខែ​ភ្លឺ​ល្អ​ណាស់ ព្រោះ​ជិត​ដល់​ថ្ងៃឧបោសថសីល។ ខ្ញុំ​សំលឹង​មើលពីក្នុង​អង្រឹងទៅ ឃើញ​ដើមឈើខ្ពស់សន្លឹមយ៉ាង​ច្បាស់​ក្រលែត មែក​ឈើ ស្លឺក​ឈើ ព្រះច័ន្ទ និង​ផ្កាយ​​រាប់​​មិនអស់ ។ មិនមាន​សំលេង​អ្វី​ក្រៅ​ពី​សំលេង​សត្វយំកងរំពង តែមិន​ដឹង​ជា​សំលេង​សត្វអ្វី​ខ្លះ​ទេ។ អូ៎ភ្លេច! មាន​សំលេង​មួយទៀត​នៅក្បែរ​ត្រចៀកដែរ គឺសំលេង​ប្តីខ្ញុំស្រម៉ុកពីក្នុង​អង្រឹងគាត់មក។ ខ្ញុំ​ក៏សំងំ​គេង​ទៅ លក់​ខ្លះ​អត់​ខ្លះ ទំរាំ​ដល់​ភ្លឺ។

២១កុម្ភៈ២០១៦ [Read more…]

កែ ឡេងជាម្ចាស់​មេដាយមាស​ប៉េតង់​ពិភពលោក ២០១៥

ke-leng_world petanque 2015

អ្នកស្រី កែ ឡេង ​ត្រដាង​ទង់ជាតិកម្ពុជានៅពេល​ទទួល​មេដាយ​មាស​ក្នុង​ការ​ប្រកួតកីឡាប៉េតង់​ពិភពលោក​ស្រី២០១៥​នៅ​ប្រទេស​ថៃ

 

អ្នកស្រី កែ ឡេង​បាន​នាំ​កិតិ្តយសជូន​ជាតិ​ដារជា​ថ្មី ដោយ​អ្នកស្រី​បាន​ទទួល​មេដាយ​មាស​ក្នុង​ការ​ប្រកួតកីឡាប៉េតង់​ពិភពលោក​ស្រី២០១៥​ដែលប្រព្រឹត្តទៅនៅ​ទីក្រុងបាងកកប្រទេស​ថៃកាល​ពី​ចុង​សប្តាហ៍កន្លង​ទៅ​នេះ (ថ្ងៃទី០៧ ខែវិច្ឆិកា ឆ្នាំ២០១៥)។

កីឡាការិនីជំរើស​ជាតិឆ្នើមរូប​នេះ បាន​ឈ្នះមេដាយមាស១៨ មេដាយប្រាក់១០ និង​មេដាយ​សំរឹទ្ធ១១​រួច​មក​ហើយ​។ ជ័យ​ជំនះ​ចុង​ក្រោយ​គឺ​អ្នកស្រី​បានឈ្នះ​លើ​ការ​ប្រកួត​ផ្តាច់​ព្រ័តជាមួយ​កីឡាការិនី​ទុយនេហ្ស៊ីដោយ​ពិន្ទុ ៣៣និង​២៥កាលពីថ្ងៃ​សៅរ៍ចុង​សប្តាហ៍នេះ៕

 

 

បុណ្យឯករាជ្យជាតិកម្ពុជា២០១៥

cambodia-independence-day-2015

កាលពីថ្ងៃ​ទី ០៩​ វិច្ឆិកា ២០១៥​ម្សិលម៉ិញនេះគឺ​ជាថ្ងៃប្រារព្ធពិធី​បុណ្យឯករាជ្យជាតិ​ដែល​កម្ពុជាបាន​ទទួលពេញ​បរិបូរណ៍​ពី​សាធារណរដ្ឋ​បារាំង​ដែល​បាន​ដាក់​អាណានិគម​មក​លើ​ប្រទេស​នេះ​អស់​ពេល​ជិត​មួយ​សតវត្សមក។ ក្រុមហ៊ុន Google ដ៏ល្បីល្បាញ​ក៏បាន​ចូល​រួម​អបអរ​ជាមួយ​ប្រជាជនកម្ពុជាដែរ​ ដោយ​បាន​ដាក់​រូប​ភាព​និង​ទង់ជាតិ​កម្ពុជា​នៅ​ពេល​ទំព័រ​មុខ​របស់​ខ្លួន។ ​ជារៀងរាល់​ឆ្នាំ​នៅ​ថ្ងៃទី ០៩​ វិច្ឆិកា គេ​តែងតែប្រារព្ធពិធីដុត​ភ្លើង​ជ័យ​​នៅ​វិមានឯករាជ្យ​ដើម្បី​រំលឹក​និង​អបអរ​ដល់​ជ័យ​ជំនះ​ដ៏មហិមានេះ ដែល​មាន​ការ​ចូល​រួម​ពី​ថ្នាក់​ដឹក​នាំ​កំពូល​៕

អង្ករផ្កាម្លិះ​របស់​កម្ពុជា​បាន​ជាប់​ចំណាត់​ថ្នាក់​ជា​អង្ករដែល​ល្អជាង​គេ​បំផុតក្នុង​ពិភពលោកប្រចាំ​ឆ្នាំ ២០១៣

Jasmine-Rice-in-ATR-World-Rice-Conference-2013
ភ្នំពេញ (កាសែត Cambodia Herald) — អង្ករផ្កាម្លិះ​របស់​កម្ពុជា បាន​ជាប់​ចំណាត់​ថ្នាក់​ជា​អង្ករដែល​ល្អជាង​គេ​បំផុតក្នុង​ពិភពលោកប្រចាំ​ឆ្នាំ ២០១៣ នៅក្នុង​ការ​សន្និបាត​ពាណិជ្ជកម្មអង្ករ​ពិភពលោកក្នុង​ទីក្រុងហុងកុង​កាល​ពី​ថ្ងៃ​ទី​២១​វិច្ឆកាឆ្នាំ​២០១៣​កន្លងទៅថ្មីៗនេះ។​លោក Heang Kimsour នាយក​គ្រប់គ្រងក្រុមហ៊ុន  នាំចេញ​នាំ​ចូល Eang Heang Import Export Co. Ltd បាន​មាន​ប្រសាសន៍​ថា ការ​ប្រកួត​បាន​បញ្ចប់​នៅ​ថ្ងៃព្រហស្បតិ៍​ទី​២១​វិច្ឆកាឆ្នាំ​២០១៣ ដោយ​ជ័យលាភី​បាន​ទៅលើ​អង្ករផ្កាម្លិះរបស់​កម្ពុជា ​ដែលជាប់​ចំណាត់​ថ្នាក់​ជា​អង្ករដែល​ល្អជាង​គេ​បំផុតក្នុង​ពិភពលោកប្រចាំ​ឆ្នាំ ២០១៣។ [Read more…]

ទង់ជាតិខ្មែរ

[youtube=]

ឃាត់​ខ្លួន​ស្ត្រីជនជាតិ​ចិន​ពី​បទប្រមាថអតីត​ព្រះមហាក្សត្រកម្ពុជា

រូបថត AP /Siv Channa

ក្នុង​រូបថត​ខាង​លើ​នេះ ដែលបាន​ថត​កាល​ពី​ថ្ងៃ​ច័ន្ទ​ ទី​២២​តុលា​២០១២កន្លង​ទៅ​នេះ គឺ​ជា​រូប​​ស្ត្រីជនជាតិ​ចិន​ឈ្មោះ​  Wang Zia Chao អាយុ​ ៤៣​ឆ្នាំ​ជាអ្នក​គ្រប់​គ្រង​ក្នុង​រោង​ចក្រ​ចិន​មួយ​ក្នុង​ទីក្រុង​ភ្នំពេញ ដែល​ត្រូវ​បាន​តុលា​ការ​ចេញ​ដីការ​បង្គាប់​​ឃាត់​ខ្លួន​ពីបទប្រមាថដល់អតីត​ព្រះមហាក្សត្រកម្ពុជា​ដែល​ទើប​​​នឹង​សោយទីវង្គតក្នុង​ពេល​ថ្មីៗ​នេះ គឺព្រះ​ម​ហា​​វី​​​រ​​​ក្ស​​​ត្រ​​ ​​ព្រះបាទ​នរោត្តម សីហនុ​ដោយ​ការ​ដោយការ​ហែក​រូបព្រះ​ឆាយាល័ក្ខណ៍​របស់​ព្រះអង្គ។ ​ [Read more…]

កម្ពុជា​​ដាក់​ខ្សែភាពយន្តប្រជែង​យក​ពានរង្វាន់អូស្ការ

ឃ្លាត ទៅ! សែន ឆ្ងាយ! (Lost Loves)

កម្ពុជា​បាន​ដាក់ខែ្សភាពយន្ត​បែប​កំសត់​ព្រាត់​ប្រាសមួយចូល​រួមប្រកួត​ប្រជែង​យក​ពាន​រង្វាន់​អូស្ការ​ (Academy Awards) ផ្នែកភាពយន្តដែល​និយាយ​ភាសា​បរទេសល្អបំផុត (the best foreign-language film) ក្នុង​ឆ្នាំ​នេះ។  ភាពយន្ត​នេះ​ជា​ស្នាដៃ​របស់លោក​ ឆាយ បូរ៉ា​ មាន​ចំណង​ជើង​ថា ឃ្លាត​ទៅ! សែន​ឆ្ងាយ! (Lost Loves) ដែល​នេះ​ជា​ការ​ចាប់​ផ្តើមឡើង​វិញ​ក្នុង​ការ​ដាក់ភាពយន្ត​ខ្មែរ​ប្រជែង​យក​ពាន​រង្វាន់​អូស្ការ បន្ទាប់​ពី​ការ​អាក់ខាន​អស់រយៈពេល​១៨​ឆ្នាំមក។ [Read more…]

បណ្ណាល័យខ្មែរ​អេឡិចត្រូនិច​

បណ្ណាល័យខ្មែរ​អេឡិចត្រូនិច​ ប្រមូល​ផ្តុំ​សៀវភៅ​ពី​បណ្ណាល័យ​ជាតិកម្ពុជា (National Library of Cambodia)។ សៀវភៅ​ទាំង​នេះ​បាន​បោះ​ពុម្ពផ្សាយ​នៅ​ចន្លោះ​ឆ្នាំ ១៩៥០ – ១៩៧៣   ​​នៅ​សម័យ​អាណានិគម​បារាំងចន្លោះ​ឆ្នាំ ​១៨៦៣ – ១៩៥៣  និង​សម័យ​ខ្មែរ​ក្រហម ១៩៧៥ – ១៩៧៩។ សៀវ​ភៅ​ទាំង ៥០​ក្បាលដែលមាន​ក្នុង​​បណ្ណាល័យខ្មែរ​អេឡិចត្រូនិច​នេះ បាន​បង្កើត​ឡើង​ក្រោម​ការ​​ចាត់​ចែង​របស់​បណ្ទិត Pascal Bourdeaux ក្រោម​គំរោងដែល​រៀប​ចំដោយ Center for Khmer Studies (នៅ​ខេត្ត​សៀម​រាប ប្រទេសកម្ពុជា) ក្នុង​ឆ្នាំ ២០០៦ – ២០០៧ ដោយមាន​ជំនួយ​ថវិការ​ពី​ស្ថាប័ន​អប់រំ​របស់​សហរដ្ឋអាមេរិច​ឈ្មោះ​ថា Technological Innovation and Cooperation for Foreign Information Access (TICFIA)

ចុច​ចូល​គេហទំព័រ​បណ្ណាល័យខ្មែរ​អេឡិចត្រូនិច​

សារព័ត៌មាន​អាស៊ីសេរី៖ ខ្សែ​ជីវិត​របស់​លោក គី ឡេង សាស្ត្រាចារ្យ​ផ្នែក​បច្ចេកវិទ្យា

នាទី​ខ្សែ​ជីវិតពិត​របស់​វិទ្យុសំលេងខ្មែរ​ដើម្បី​សារីភាព​នាថ្ងៃ​សុក្រទី​០៨​ខែ​មិថុនា​ឆ្នាំ​២០១២  លោកយូ សារ៉ាវុឌ្ឍ សូម​ណែនាំ​លោក​អ្នក​ឲ្យ​ស្គាល់​ពី​ដំណើរ​ជីវិត​ពិត​របស់​សាស្ត្រាចារ្យ​ បច្ចេកវិទ្យា​មួយ​រូប​គឺ​លោក​បណ្ឌិត​ គី ឡេង។ ក្នុងនាម​ជា​បណ្ឌិត​បច្ចេកទេស​មួយ​រូប តើ​ជីវិត​លោក​ធ្លាប់​ឆ្លង​កាត់​ឧបសគ្គ​អ្វី​ខ្លះ? សូម​ស្តាប់​នាទី​នេះ​ដូច​តទៅ ៖

 

 

 

រូបភាព​ដ៏​ស្រស់​ឆើតឆាយនៃ​កម្ពុជា​ក្នុង​កម្មវិធីកោះឡង់តា​របស់​ទូរទស្សន៍​បារាំង

កោះកុង

មើល​១១​រូបផ្សេងទៀត