មានការរៀបរាប់ពីកុំព្យូទ័រខុសៗជាច្រើន ដែលភាគច្រើនគឺគេហៅទៅតាមទំហំ និងលទ្ធភាពនៃការប្រើប្រាស់របស់វា។ នៅពេលដែលគេហៅរបស់មួយថា “កុំព្យូទ័រ” ជាក់ស្តែងគឺសំដៅលើឧបករណ៍ដែលមាន microprocessor ។ មនុស្សភាគច្រើនគិតថាកុំព្យូទ័រជាឧបករណ៍មួយប្រភេទដែលប្រើសំរាប់ទទួល Input ពីអ្នកប្រើតាមរយៈ mouse រឺ keyboard បន្ទាប់មកគណនា រួចបង្ហាញលទ្ធផល តាមនៅលើអេក្រង់ (screen) ។
តើអ្នកដឹងទេ ថាតើកុំព្យូទ័រមានប៉ុន្មានប្រភេទ?
1.PC
PC ជាពាក្យកាត់នៃពាក្យ Personal Computer ជាកុំព្យូទ័រដែលគេរចនាឡើងជាទូទៅសំរាប់អ្នកប្រើប្រាស់តែម្នាក់ (ប្រើប្រាស់ផ្ទាល់ខ្លួន)។ Mac ក៏ជា PC ប៉ុន្តែមនុស្សភាគច្រើនយល់ថា PC គឺជាប្រភេទកុំព្យូទ័រដែលប្រើ Windows ជា operating system. PCs ត្រូវបានគេស្គាល់ដំបូងជា microcomputers ពីព្រោះវាជាកុំព្យូទ័រតែមានរាងតូចបើប្រៀបធៀបទៅនឹង systems ដ៏ធំរបស់វា។
2. Desktop
PC មួយដែលគេរចនាមកមិនមែនសំរាប់យួរតាមខ្លួនបានគេហៅថា desktop កុំព្យូទ័រ។ គេប្រើ desktop កុំព្យូទ័រដោយដាក់នៅកន្លែងណាមួយជាអចិន្ត្រៃយ៍។ desktop ភាគច្រើនមានដំណើរការលឿន អាចផ្ទុកData បានច្រើនហើយមានតំលៃថោក។
3. Laptop
គេអាចហៅម៉្យាងទៀតថា notebooks, laptops ជាកុំព្យូទ័រដែលអាចយួរតាមខ្លួនបានដែលមានអេក្រង់(display) មាន keyboard មាន Mouse (pointing device trackball) មាន processor មាន memory និងមាន hard drive នៅលើប្រអប់ battery-operated។
4. PDA
Personal Digital Assistants (PDAs) ជាការកុំព្យូទ័រដែលប្រើ flash memory ជំនួសអោយ hard drive សំរាប់ផ្ទុក Data។ កុំព្យូទ័រប្រភេទនេះជាធម្មតាគ្មាន keyboards តែគេប្រើវាតាមរយៈបច្ចេកវិទ្យា touchscreen សំរាប់ user input។ PDAs ជាទូទៅមានទំហំតូច ស្រាល និងមានថ្មដែលកាន់បានយូរ (ច្រើនម៉ោង)។ មានមួយប្រភេទទៀតធំនិងធ្ងន់ជាង PDA បន្តិចគឺ handheld កុំព្យូទ័រ។
5. Workstation
ប្រភេទទី៥ របស់កុំព្យូទ័រហៅថា workstation។ Workstation តាមពិតគឺជាកុំព្យូទ័រ desktop ដែលមាន Processor ខ្លាំងជាង មាន memory ធំ និងមានលទ្ធភាពអាចដំណើរការការងារពិសេសមួយចំនួនដូចជា 3D Graphics រឺ game development។
6. Server
7. Mainframe
Mainframes កុំព្យូទ័រដែលចេញដំបូងបំផុត មានទំហំធំស្ទើរតែប៉ុនបន្ទប់មួយ រឺអាគារមួយជាន់។ ក្រោយមកទំហំរបស់វាតូចជាងមុនបន្តិចម្តងៗ តែអនុភាពរបស់វាកាន់តែខ្លាំងឡើងៗ Mainframe ក៏ប្រើលែងកើតសំរាប់ធ្វើជា enterprise server។ គេនៅលឺឈ្មោះរបស់វា ដែលគេប្រើពិសេសនៅក្នុងក្រុមហ៊ុនធំៗ ដែលគេប្រើសំរាប់ហៅម៉ាស៊ីនធំៗដែលសំរាប់ដំណើរការការបញ្ជូន data ទៅមករាប់លានដងក្នុងមួយថ្ងៃៗ។
8. Minicomputer
នេះជាប្រភេទមួយទៀតដែលគេកំរនឹងបានលឺ minicomputers ឈរនៅចន្លោះ microcomputers (PCs) និង mainframes (enterprise servers)។ Minicomputers ជាធម្មតាគេសំដៅលើ mid-range servers។
9. Supercomputer
ប្រភេទមួយនេះ ជាធម្មតាមានតំលៃរាប់ពាន់ រឺ រហូតដល់រាប់លានដុល្លា។ ទោះជាយ៉ាងនេះក៏ដោយ supercomputers ខ្លះគឺកុំព្យូទ័រដែលមាន system តែមួយ។ តែភាគច្រើនវាមានបំពាក់ប្រព័ន្ធលទ្ធភាពដំណើរការខ្ពស់ ជាច្រើនដែលអាចប្រតិបត្តិដំណាលគ្នា។ Supercomputer ដែលល្បីឈ្មោះជាងគេគឺបង្កើតឡើងដោយ Cray Supercomputers។
10. Wearable Computer
ប្រភេទចុងក្រោយនៃនិន្នាការក្នុងការគណនាគឺ wearable computers។ គេរចនាដោយបញ្ចូល applications ចាំបាច់មួយចំនួនដូចជា e-mail, database, multimedia, calendar/scheduler ត្រូវបានកេដាក់បញ្ចូលក្នុងនាឡិកា ទូរស័ព្ទដៃ(cell phones), របាំងមុខ រឺ ក៏អាចនៅក្នុងសំលៀកបំពាក់!
Techno Charity is a charitable organization created in 2006 by engineers graduated from the Institute of Technology of Cambodia.
2 Responses
អាទី១០ ខ្ញុំកំពុងតែចង់បាន ព្រោះ មើលទៅរូបដូចអ្វីដែលខ្ញុំកំពុងតែស្រមៃ!!
ប្រភេទនេះមិនមានលក់ជាទូទៅទេមើលទៅ!