សម្រាលកូន ត្រូវការរយៈពេលប៉ុន្មាន?

រយៈពេលឆ្លងទន្លេរបស់ស្ត្រីម្នាក់ៗមិនដូចគ្នាទេ! គឺត្រូវការពេលចន្លោះពី២ម៉ោង រហូតលើសពី ២០ម៉ោងក៏មាន! បានជាគេប្រើពាក្យឆ្លងទន្លេ ព្រោះការសម្រាលកូនមិនមែនជាការងាយទេ ហើយមានគ្រោះថ្នាក់ទៀតផង។ ស្ត្រីដែលត្រៀមសំរាលកូនគឺត្រូវតែឆ្លងកាត់ដំណាក់កាលខាងក្រោមដោយចៀសមិនរួចឡើយ។

ឈីពោះមុនពេលសម្រាល

ស្ត្រីពរពោះដល់សប្តាហ៍ទី ៣៧ ឡើងទៅគឺជិតដល់ពេលត្រូវសម្រាលហើយ។ អ្នកត្រូវរៀបចំខ្លួនទៅមន្ទីរពេទ្យដើម្បីសម្រាល ប្រសិនបើអ្នកចាប់ផ្តើមឈឺពោះ រៀងរាល់៥នាទីម្តង ក្នុងរយៈពេល១ម៉ោង នេះជាសញ្ញាបញ្ជាក់ថាអ្នកកំពុងឈឺពោះជិតសម្រាលកូនហើយ។ ឆ្មបនឹងចាប់ផ្តើមវាស់ទំហំមាត់ស្បូនរបស់អ្នក ហើយដែលជាមធ្យមគឺ ៥សង់ទីម៉ែត្រ។

ត្រៀមខ្លួនសម្រាល

ដំបូងបំផុតឆ្មបនឹងអោយអ្នកនៅក្នុងបន្ទប់សម្ភពរឺក្នុងបន្ទប់បន្ទប់ដេក ទៅតាមរយៈជិតសម្រាលទារកដែលគេប៉ាន់ប្រមាណ។ គិលានុប្បដ្ឋាកយិកានឹងពន្យល់អ្នកអំពីដំណើរការនៃការសម្រាលកូន និងពិនិត្យជារឿយៗពីទំហំមាត់ស្បូនរបស់អ្នក។ នេះជាដំណាក់កាលដែលយ៉ាងហោចណាស់ក៏មានរយៈពេល២ រឺ៣ម៉ោងដែរ។ ជាដំណាក់កាលដែលយូរជាងគេសំរាប់ការឆ្លងទន្លេ។ ប្រសិនបើអ្នកជ្រើសរើសវិធីសម្រាលកូនដោយការវះកាត់ ដំណាក់កាលនេះជាពេលដែលគេចាក់ថ្នាំសណ្តំ។

សម្រាល

ដំណាក់កាលនេះមាត់ស្បូនអ្នកនឹងបើកអស់(ប្រហែល១៤សង់ទីម៉ែត្រ) ដែលជាពេលដែលទារកប្រឹងធាក់ចេញមកក្រៅ។ ដំណាក់កាលនេះ មានការពិបាកខ្លាំងនិងមានរយៈពេលពី៣នាទី រហូតដល់៣ម៉ោង!!

សម្រាលហើយ

កូនរបស់អ្នកនៅក្នុងដៃអ្នកមែនការសម្រាលមិនទាន់ចប់សព្វគ្រប់នៅឡើយទេ។ អ្នកត្រូវទំលាក់សុកទៀត។ ជាដំណាក់កាលដែលអ្នកមិនសូវយកចិត្តទុកដាក់ទេ ដោយសារសប្បាយភ្លេចខ្លួននឹងការបីកូនដែលនឹងកើត។ ប៉ុន្តែក៏កើតមានជារឿយៗដែរ បញ្ហាដែលសុកមិនធ្លាក់។ ទំលាក់សុករួច ឆ្មប់ចាប់ផ្តើមចាក់ថ្នាំស្ពឹកបន្តិចរួចចាត់ការសំអាតសុកចេញពី ស្បូនដែលអាចបង្កអោយហូរឈាមមិនឈប់។ រួចរាល់!!

ប្រភព៖ http://www.topsante.com/Femme/Grossesse/Accouchement-combien-de-temps