គ្រឿងផ្សំ៖
- សាច់គោ (សាច់កំភួន សាច់ស្លម្ជូរគ្រឿង មិនបាច់យកសាច់ផុយទេ)
- ត្រកួន
- គល់ស្លឹកគ្រៃហាន់ ស្លឹកក្រូចសើច រមៀត រំដេង ខ្ទឹមស ខ្ទឹមក្រហម (បើមាន)
- សណ្តែកដីលីង
- ម្ជូរសណ្តាន់ ឫ អំពិលទុំ
- ប្រហុក
- ស្ករស អំបិល ទឹកត្រី
របៀបធ្វើ៖
- ហាន់សាច់គោជាបន្ួះតូចៗ
- បុកឫកិន គល់ស្លឹកគ្រៃហាន់ ជាមួយស្លឹកក្រូចសើច រមៀត រំដេង ខ្ទឹមស ខ្ទឹមក្រហម សណ្តែកដីលីង។
- ចិញ្ច្រាំប្រហុក (បើប្រើកាពិឫប្រហុកសាច់មិនបាច់ចិញ្ច្រាំទេ)
- ដាក់គល់ស្លឹកគ្រៃបុកនិងប្រហុកចិញ្ច្រាំចូល លឺងច្របល់ចូលគ្នា រួចដាក់សាច់គោច្របល់ចូលគ្នា។ ដាក់ម្ជូរសណ្តាន់ ឫ អំពិលទុំ រួចដាក់ទឹកត្រី អំបិល ស្ករ បិតគំរប់ឆ្នាំងទុកអោយពុះបន្តិច។ ថែមទឹករំងាស់មួយស្របក់អោយសាច់គោផុយ។ រួចភ្លក់ប្រៃផ្អែមរួចជាការស្រេច។
- ត្រកួនត្រូវកាត់ខ្លីៗ (ដូចក្នុងរូប) ចាំពេលរៀបញ៉ាំចាំដាក់ចូលទុក១ពុះទើបនៅពណ៌បៃតងស្រស់ ហើយមានរសជាតិឆ្ងាញ់ មិនរលួយពេក។
Recent Comments Gravatars