តើអ្នកពិតជាត្រូវការដាក់ខ្សែក្រវ៉ាត់សុវត្ថិភាពមែនទេពេលមានផ្ទៃពោះ? វាធ្វើអោយអ្នកធុញថប់ មិនស្រួលក្នុងខ្លួន។ វាកាន់តែពិបាកថែមទៀតនៅពេលដែលពោះអ្នកកាន់តែធំ ហើយប្រហែលជាដាក់មិនជុំផងក៏មិនដឹង!។ ស្ត្រីមានផ្ទៃពោះភាគច្រើនគិតថាគឺខ្សែក្រវ៉ាត់សុវត្ថិភាពនេះឯងដែលបង្កគ្រោះថ្នាក់ដល់ទារកនៅពេលមានគ្រោះថ្នាក់ចរាចរ។
ប៉ុន្តែបើតាមវេជ្ជបណ្ឌិត អ្នកស្រាវជ្រាវ និងអ្នកស៊ើបអង្កេតផ្នែកគ្រោះថ្នាក់ចរាចរបានមូលមតិគ្នាថា វិធីដែលប្រសើរបំផុតសំរាប់ស្ត្រីមានផ្ទៃពោះគឺដើម្បីការពារទារកនៅក្នុងស្បូនរបស់ខ្លួនអោយបានល្អ គឺគប្បីការពារខ្លួនឯងអោយបានល្អ។ ដូច្នេះនៅពេលដែលអ្នកនៅតាមផ្លូវ គឺត្រូវដាក់ខ្សែក្រវ៉ាត់សុវត្ថិភាពគ្រប់ពេល បើទោះបីជាអ្នកធុញថប់យ៉ាងណាក៏ដោយ។
តើវាពិតជាធ្វើអោយមានសុវត្ថិភាពប្រាកដមែនទេ?
អ្នកស្រាវជ្រាវមួយក្រុមដែលដឹកនាំដោយបណ្ឌិត Stacie Zelman មកពី សាកលវិទ្យាល័យ Wake Forest បានធ្វើការវិភាគលើប្រព័ន្ធទិន្នន័យមួយដែលមានគ្រោះថ្នាក់ចរាចរ២លានករណី ក្នុងនោះគេបានរកឃើញថាមានស្ត្រីមានផ្ទៃពោះលើសពី២៤០០នាក់ដែលមានរបួសក្នុងគ្រោះថ្នាក់រថយន្ត។ គ្មានអំនះអំនាងណាមួយដែលបង្ហាញថាខ្សែក្រវ៉ាត់សុវត្ថិភាពបង្កអោយមានគ្រោះថ្នាក់ដល់ទារក រឺស្បូនរឺក៏ទឹកភ្លោះឡើយ ទោះបីជាខ្សែក្រវ៉ាត់នោះរឹតតឹងក៏ដោយ។ ទារកនៅក្នុងផ្ទៃត្រូវបានការពារនៅក្នុងស្រោមមួយដែលពេញដោយវត្ថុរាវ(ទឹកភ្លោះ) ដែលនៅក្នុងស្បូន…ហើយស្បូនត្រូវបានការពារដោយឆ្អឹង និងសាច់ដុំ។
ដូច្នេះសរុបសេចក្តីមកស្ត្រីមានផ្ទៃពោះ ត្រូវមានការជឿជាក់ក្នុងការប្រើខ្សែក្រវ៉ាត់សុវត្ថិភាពដែលអាចការពារអ្នកនិងទារកពីគ្រោះថ្នាក់នៅពេលបើកបរ។
Recent Comments Gravatars